大象传媒

An Nowodhow, an 10ves a vis Gwynngala 2023
Dohajydh da, ha dynnargh dhe dhyllans an seythen ma 鈥楢n Nowodhow鈥� war 大象传媒 Radyo Kernow.Tewlys yw Toll Gonsel yn Kernow dhe ynkressya a ogas ha pymp kansrann rag an nessa bledhen yn rew. An ynkressyans a beder kansran poynt naw naw yw an moyha alowys gans an governans heb edhom a referendom. Dell yw gwaytys, Kabinet Konsel Kernow a wra votya a鈥檔 ynkressyans pan vet ev an seythen a dheu rag dadhla kyns-skrif a brofyansow bojet, mayth yw res dhodho kavos naw warn ugens a vilvilyow a beunsow a erbysyon y鈥檔 vledhen a dheu. Res yw dhe鈥檔 awtorita kavos pymp ha dew ugens a vilvilyow a beunsow moy a erbysyon erbynn dew vil seyth warn ugens dhe eth warn ugens. An konsel re henwys posow arghansek ow pesya avel sewyans a hwarvosow bysel hag effeyth an pandemek Kovid.Islewydh yeghes poblek Konsel Kernow, Dr Ruth Goldstein hy hanow, re warnyas tus dhe vos warra, ha derivasow a gasys Kovid-19 owth ynkressya. Hi a leveris nag o kavadow niverow, drefen na brevir yn sodhogel, hag yn-medh hi 鈥渄ell hevel, pubonan a aswon nebonan gans arwodhyow haval orth Kovid.鈥� Dr Goldstein a gussulyas erbynn mos dhe leow leun a dus, hag a leveris y kodh dhe dus golghi aga diwla yn tien ha prederi yn fenowgh a wiska mask.Pons nowydh rag diwrosoryon, kerdhoryon ha marghogyon dres diwfordh bysi a dhalleth omdhiskwedhes. Pons Chi war Donn a wra treusi an A30 dhe鈥檔 soth a Grows Chi war Donn, avel rann a vri a lerghow nowydh ow pos gwrys yn Kernow. An pons a wra rann a鈥檔 Lergh Sens yntra Breanek ha Mentrimildir ryb Truru. Konsel Kernow a leveris bos an ober ow pesya ha, dell waytir, bos ygor mis Kevardhu 2023. Rann dhiblans an dowlen a Lergh Sens yntra Porthperan ha Goonhavar a ygoras mis Ebrel. Dileys veu brassa rann an dowlen a Lergh Sens mis Hwevrer 2022 awos kudynnow arghansel, ha鈥檔 rann ynter Breanek ha Mentrimildir an rann unsel a with hy furv dherowel.Dell yw gwaytys, deges vydh an A30 ynter Skorya ha Trielin rag peder nos, yntra ugens eur BST ha hwegh eur, dhyworth an unnegves a vis Gwynngala bys y鈥檔 peswardhegves, rag gwruthyl an dhiwfordh, dell leveris Konsel Kernow. Deges vydh ynwedh rag pennseythen dhyworth ugens eur an pymthegves a vis Gwynngala bys yn hwegh eur an etegves, dell geworras.Yn mysk an dewdhek gwerthji Wilko ha dew ugens tewlys dhe vos degys y鈥檔 seythen a dheu yma tri yn Kernow. An gwerthji yn Aberfala a dhege dy鈥橫eurth, ha鈥檔 gwerthjiow yn Truru hag yn Sen Austel a dhege dy鈥橸ow. An skorren Resrudh a wra pesya ygor. Dres an Ruvaneth Unys, yma Wilko owth anarveth moy es mil vayni.An Vorladron Gernewek re sinas arager keswlasek yonker kyns rag Alban, Josh King y hanow, rag ambos a unn vledhen. Dew warn ugens y oos, ev a yll gwari avel strother po yn mayni skoodhya hag yth esa ev yn para Alban yn-dann etek hag ev re warias rag para 鈥楢鈥� Dinedin. Yn-medh kochyas an Vorladron, Louis Tonkin, 鈥淣i a grys Josh dh鈥檃gan desedha gwell. Dell hevel, yma dhodho dres eghen an teythi dhe vos Morlader brav.鈥�
Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy, Wella Morris. Steve Harris o an pennskrifer. Bys dy鈥橲ul nessa, dydh da dhywgh hwi oll.