大象传媒

An Nowodhow, an 15ves a vis Hedra 2023
Dohajydh da, ha dynnargh dhe dhyllans an seythen ma 鈥楢n Nowodhow鈥� war 大象传媒 Radyo Kernow.Delatyes re beu ygeryans a dhrehevyans gans obervaow rag negysyow awenek yn Pennsans. Towlennys re bia Bush Awenek Pennsans (Penzance Creative Cluster), yn Pennkons (Causewayhead), dhe ygeri kynnyav 2023, mes Konsel Kernow re dhellos dedhyas nowydh a hav 2024. An drehevyans a wra provia bys yn deg warn ugens a studhleow arnowydh hag obervaow hebleth may fons devnydh anedha kowethyansow liesek.Yn-medh Louis Gardner, synsyas plegell Konsel Kernow rag erbysiedh: 鈥淜yn fiv sur nowodhow a dhelays a鈥檔 dedhyans-ygeri dhe dhiswaytyas meur a dus y鈥檔 dre, y fynnav vy afydhya dhe drigoryon agan bos omres 鈥� agan kevambosoryon Kier ynwedh 鈥� dhe worfenna an dowlen ma skonna gallen. Ni re dhegemeras seulabrys bern bras a negysyow hag a vynn bos selyes omma, hag omres on ni dhe surhe an kynsa gobrenoryon dhe oberi dhyworth an drehevyans yn hav 2024.鈥漎n-medh Tim Dwelly, Esel Konsel Kernow rag Pennsans Est: 鈥淩ag dasvewa agan pennstretys, res yw dhyn dri negysyow, ha dre sewyans, oberennow dhe gres agan trevow. Henn yw prag yth yw mar dhe les an drehevyans Bush Awenek Pennsans dhe鈥檔 dre. Yma dhe Gernow moy a dus owth oberi y鈥檔 diwysyansow awenek es ranndiryow powek erel y鈥檔 Ruvaneth Unys, ha ni a wor bos chons dhe vrashe an ranngylgh ma moy dre brovia obervaow kres an dre a vri ughel. Hedre vo lestansek an delays, pes da ov vy gweles bos an drehevyans ygor y鈥檔 hav.鈥漎 tiskwedhir pel gowrek an norvys y鈥檔 ayr yn Penneglos Truru. Gaia yw hanow an artweyth, 7 meter y vraster, kregys ughel, gwrys gans Luke Jerram. Tewlys yw pel an norvys, golowhes a-bervedh, dhe wruthyl skians an Effeyth Ughwel (Overview Effect), prevys gans stervarnoryon ow kweles an Norvys dhyworth efander, dell leveris y wrier. Ev a leveris y hwaytyas ev an ober, displetyes yn Kernow bys yn dy鈥橲adorn an 28ves a vis Hedra, dhe vrosa omglewans a reowta rag an planet. Senys war-barth gans an gravyans yw komposyans a son-kerghynna gans komposydh Dan Jones, BAFTA y bewas, rag keworra myns pella dhe鈥檔 prevyans-mires, dell leveris dyghtyoryon an dowlen. Mr Jerram a leveris y fynnas aweni godrigoryon dhe prederi a fordhow may hyllyn gwitha 鈥渁gan tre unnik鈥�. Yn-medh ev: 鈥淕ovenek a鈥檓 beus godrigoryon dhe weles fatel yw teg dres eghen ha ker an planet le may trigyn.鈥滽arr tredanek, drehevys gans bagas a studhyoryon dhyworth Kernow, re waynyas res keswlasek, ha gul rekord kesstrif nowydh. Skol Nessa Richard Lander yn Truru a fethas moy es kans bagas dhyworth powyow y鈥檊a mysk Brasil ha Portyngal yn pennwari keswlasek Greenpower yn Goodwood. Chalenjyes veu an etek studhyer dhe dhesina ha drehevel kerri tredanek ha dhe resek ynna. Y kesstrivyons i dhe hedhes an brassa pellder yn deg mynysen ha peswar ugens. Yth yw an pympes tro Skol Nessa Richard Lander dhe waynya an kesstrif yn rew.Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy, Wella Morris. Steve Harris o an pennskrifer. Bys dy鈥橲ul nessa, dydh da dhywgh hwi oll.