大象传媒

An Nowodhow: an 22a a vis Hedra 2023

听

Drefen ladransow dhyworth gwerthjiow ha gorvarghasow dhe gressya yn feur a-gynsow, Kreslu Kernow ha Dewnens a restras 鈥榮eythen a weythresow鈥� rag skoodhya negysyow leel ha profya gweres dhedha.

Amkan an ragdres ma o krefhe kevrennow yntra negysyow daskwertha, mayni diogeledh ha鈥檔 kreslu.

Ytho dres an seythen eus passyes, gwithysi gres re beu ow vysytya negysyow rag kewsel gansa a-dro dhe鈥檔 gwella fordhow a dhyghtya fara gorthsocyal.

Keffrys ha henna, an kreslu re restras stallow yn lies tre a-dreus dhe Gernow ha Dewnens ow profya kussul a-dro dhe lesta galweyth, ha sodhogyon gwiskys yn dillas pubdedhyek re beu owth oberi yn-dann gel yn gwerthjiow rag assaya dalghenna ladron.

Yn-medh Desedhegores Kreslu ha Galweyth, Alison Hernandez, 鈥淧es da ov vy bos Kreslu Kernow ha Dewnens ow tanvon an messach na vydh godhevys an fara ma, hag y fynsen ynia war negysyow oberi gans an kreslu dre surhe bos pub galweyth oll derivys dhodho鈥�.

听

Ygerys re beu spas-oberi nowydh yn Lyskerrys y鈥檔 tyller may sevi marghas warthek an dre y鈥檔 termyn eus passyes.

Herwydh derivas dyllys gans Konsel Kernow, desinys veu an drehevyans nowydh, Hwelji Lyskerrys y hanow, dhe brovia sodhvaow ha shoppys ober rag negysyow leel, yn arbennik, an re awenek ha besyel.听

Yma govenek dhe鈥檔 konsel may hallo an Hwelji skoodhya tredhek soodh nowydh warn ugens ha keworra a-dro dhe onan poynt dew milvil beuns dhe鈥檔 erbysiedh leel.

An displegyans ma yw rann a ragdres brassa, pymp poynt dew milvil beuns y dhalvosogeth, dhe dreusfurvya kres an dre.

Proviys veu an arghasans gans an Arghas Europek rag Displegyans Ranndiryel, an Arghas Tevyans Leel ha Konsel Kernow y honan.

Y fydh Hwelji Lyskerrys ygerys yn sodhogel an ethves warn ugens a鈥檔 mis ma.

听

An artydh, Kurt Jackson, neb yw aswonys dres an bys, re wrug podkast a-barth an RNLI, may kews ev ynno a-dro dhe gevres a lymnansow gwrys ganso yn chi skath-sawya Pennlegh.

Oll war-barth, ev a wrug pymthek lymnans ha tri ugens ow portraya an skathti y honan, gwag lemmyn ow sewya koll a鈥檔 mayni Solomon Browne nans yw dew ugens bledhen, keffrys ha鈥檔 ober a skathow-sawya oll a-dro dhe arvor Kernow.

Yntra mis Meurth ha mis Est hevlena, Mr Jackson a dhyghtyas diskwedhyans a鈥檡 lymnansow, 鈥楻NLI Kernow鈥� y hanow, yn y virva yn Lannust, hag a sevis moy es peswar warn ugens a vilyow a beunsow a-barth an aluseneth.

Ow kewsel a鈥檔 termyn spenys ganso y鈥檔 skathti, Mr Jackson a leveris, 鈥淩ewys yn termyn yw, ha prevyans marthys krev yw dh鈥檡 entra, hag yma govenek dhymm y sewenis gul ober dhe assaya synsi an omglewans na鈥�.

听

Dydhlyvrow hag a veu skrifys gans tiek kernewek dres tri ugens bledhen re beu res dhe Gresen Kernow dhe vos gwithys ena yn salow.

Kevys veu an dyd

hlyvrow nans yw etek bledhen y鈥檔 magoryow a ji ogas dhe An Hel gans Cerin Poland, tredhek bloodh y oos y鈥檔 eur na, ha鈥檡 vamm, Jo.

A-dhia nena, gans gweres a鈥檊a howethes, Carol Miller, Jo ha Cerin re assayas kavos moy derivadow a-dro dhe鈥檔 tiek, John James Morris y hanow, ha鈥檔 teyluyow yw menegys y鈥檔 dydhlyvrow.

Dell hevel, genys veu John yn mil, eth kans, peswardhek ha peswar ugens hag ev a dhallathas skrifa y dhydhlyvrow yn mil, naw kans ha tredhek.

Keffrys ha manylyon a鈥檡 vewnans pubdedhyek, y kevir ynwedh erthyglow treghys a baperyow nowodhow, lytherow ha fardelligow a has prenys gans John.

Kresen Kernow re ambosas gwitha an dydhlyvrow ha surhe aga bos kavadow dhe eseli an poblek.

听

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Duncan McIntosh. Bys dy鈥� Sul nessa, Duw genowgh hwi oll.