Blàr na h-Eaglaise Brice, 1298

Chaill feachd Shasainn fo Rìgh Eideard I an aghaidh Uilleam Ualas agus Anndra Moireach aig Drochaid Shruighlea ann an 1297, agus bha Eideard coma ach a' chùis a dhèanamh air na h-Albannaich aig Blàr na h-Eaglaise Brice air 22 Iuchar, 1298.

This video can not be played

To play this video you need to enable JavaScript in your browser.

Faigh a-mach mu Bhlàr na h-Eaglaise Brice.

Carson a chaill Uilleam Ualas am blàr?

Rinn Ualas a' chùis air feachd Sasannach gu math na mu mhotha aig Blàr Drochaid Shruighlea. Carson mar sin a chaill e an turas seo?

Ann an Sruighlea, chuir Ualas na saighdearan aige ann am buidhnean, mòra, teann ris an canar sioltroin.

Bha pìcean fada aig na fir agus bha na buidhnean coltach ri gràineagan, agus chan fhaigheadh ridirean Shasainn seachad orra.

Dh'ionnsaich Eideard I san Eaglais Bhric.

An àite a dhol faisg air na sioltroin airson sabaid riutha le ridirean air eich, chleachd e boghadairean le boghachan-fada airson ionnsaigh a thoirt orra gu sàbhailte pìos air falbh.

Bha boghachan nam boghadairean Albannach gu math na bu lugha agus dh'fheumadh iad a bhith faisg air daoine airson an cleachdadh. Thug seo buannachd mhòr do bhoghadairean Shasainn.

Blàr na h-Eaglaise Brice: Prìomh cheumannan

Skip image gallery

Image caption,
Àireamhan nach robh co-ionann
Choinnich an dà fheachd aig an Eaglais Bhric air 22 Iuchar 1298. Bha Uilleam Ualas os cionn feachd na h-Alba san robh 6,000 fear. Bha 15,000 fear ann am feachd Shasainn le Eideard I os an cionn.
Image caption,
Sioltroin na h-Alba
Chuir Ualas a' mhòr-chuid dhe na saighdearan aige ann an ceithir buidhnean mòra 'ghràineagan', buidhnean de dh'fhir le pìcean agus sleaghan ris an cante sioltroin.
Image caption,
Ionnsaigh nan Albannach
Thug na ridirean Albannach a bh' air na h-eich ionnsaigh air na ridirean Sasannach, ach bha uiread dhiubh ann agus b' fheudar dhaibh tilleadh.
Image caption,
Ionnsaigh nan Sasannach
Thug Eideard òrdan dha na ridirean aige ionnsaigh a thoirt air boghadairean na h-Alba. Gun ridirean Albannach a dhìonadh iad, b' fheudar dhaibh teiche lem beatha.
Image caption,
Ionnsaigh le boghachan-fada
An uair sin, thug Eideard òrdan dha na boghadairean Cuimreach aige losgadh air gach sioltron. Bha boghachan-fada aig na boghadairean. Bha mu shia troighean a dh'fhaid ann am bogha-fada agus loisgeadh iad saighdean thar astar mòr.
Image caption,
Na h-Albannaich air an cur fodha
Nuair a bha na boghadairean air gu leòr dhen t-sioltron a mharbhadh, thug Eideard an t-òrdan dha na ridirean iad ionnsaigh a thoirt. B' fheudar do Ualas agus dhan fheachd Albannach ruith!