Uisge - ��ý Bitesize

Feumaidh a h-uile nì beò uisge. Faigh a-mach carson a dh'fheumas sinn uisge.

This video can not be played

Feumaidh daoine cuideachd uisge airson a bhith fallain.

'S e uisge a th' ann an còrr is 60% dher bodhaig. Sin còrr is leth dher bodhaig!

Bidh uisge a' cumail ar bodhaigean ag obrachadh gu math agus gar cumail fiot agus fallain.
Bidh sinn a' call uisge a h-uile latha ann am fallas, ar n-anail agus a' dol dhan toidhleat.
Feumaidh sinn an t-uisge seo a chur air ais le bhith ag òl agus ag ithe.

Gabh eadar sia agus ochd cupannan uisge gach latha. Bu chòir clann fo 8 bliadhna eadar ceithir agus sia cupannan a ghabhail. Cuimhnich gum bi sinn cuideachd a' faighinn uisge bho bhiadh agus bho dheochan eile, mar bainne.
Gabh barrachd uisge air latha a bhios tu a' gluasad tòrr. Mar eisimpleir, nuair a bhios tu a' cluich ball-coise, a' dannsa no a-muigh air a' bhaidhsagal, bidh do bhodhaig a' call barrachd uisge.
Òl barrachd air latha teth. Bidh do bhodhaig a' call barrachd uisge nuair a bhios fallas a' tighinn tromhad.
Gabh deoch leis a h-uile biadh. Seo dòigh fhurasta air barrachd uisge a ghabhail.
Cùm botal uisge ri do thaobh tron latha.
Gabh biadh anns a bheil tòrr uisge. Tha tòrr uisge ann am measan agus lusan mar subhan-làir agus cularain. Tha brot cuideachd math airson barrachd uisge a ghabhail.

Image caption,
Gabh eadar sia agus ochd cupannan uisge gach latha
Bu chòir dhuinn feuchainn ri eadar sia agus ochd cupannan òl san latha. Chan eil clann nas òige a' cur feum air uiread. Cuimhnich gum bi thu cuideachd a' faighinn uisge bho bhiadh mar measan, agus bho dheochan eile, mar bainne.
Image caption,
Gabh barrachd uisge nuair a bhios tu a' gluasad tòrr
Nuair a tha sinn a' gluasad tòrr, bidh sinn a' call barrachd uisge tro fhallas no anail. Sin as coireach gu bheil e cudromach barrachd uisge òl an dèidh tòrr gluasaid, mar eisimpleir an dèidh a bhith air a' bhaidhsagal.
Image caption,
Òl barrachd air latha teth
Feumaidh sinn barrachd òl air latha teth chionn bidh ar bodhaigean a' call barrachd uisge nuair a bhios fallas a' tighinn tromhainn.
Image caption,
Gabh deoch leis a h-uile biadh
Airson nach tiormaich thu, feuch ri uisge òl còmhla ri do bhiadh.
Image caption,
Cùm botal uisge ri do thaobh
Bidh e nas fhasa uisge gu leòr a ghabhail ma bhios botal uisge a ghabhas a chleachdadh a-rithist agad ri do thaobh.
Image caption,
Gabh biadh anns a bheil tòrr uisge
Bidh e nas fhasa uisge gu leòr a ghabhail ma ghabhas sinn biadh anns a bheil tòrr uisge, mar subhan-làir agus cularain.

Mura gabh sinn gu leòr uisge, bidh am pathadh oirnn, bidh sinn ��ì�ٳ� agus cha bhi sinn a' faireachdainn gu math.
Mura gabh sinn gu leòr uisge, tiormaichidh sinn (cha bhi uisge gu leòr nar bodhaigean airson obrachadh ceart).
'S e uisge òl aon de na rudan as fhasa agus as fheàrr airson a bhith fallain.

Dealbh agus tarraing postair a bhrosnaicheas do charaidean gu bhith ag òl barrachd uisge.

fiosrachadh air carson a dh'fheumas sinn uisge òl
beachdan do chlann leis nach toigh uisge barrachd dheth òl. Mar eisimpleir, ga chumail sa frids no a' cur slisean mheasan ann airson blas.