Blàr Drochaid Shruighlea, 1297

Chuidich ro-innleachd ghleusta feachd beag Albannach, le Uilleam Ualas agus Anndra Moireach os a cionn, gus feachd Shasannach a bha gu math na bu mhotha a chur fodha ann an Sruighlea air 11 Sultain, 1297.

This video can not be played

To play this video you need to enable JavaScript in your browser.

Faigh a-mach mu Bhlàr Drochaid Shruighlea.

Ciamar a rinn Uilleam Ualas a' chùis air feachd Shasainn aig Drochaid Shruighlea?

Bha feachd Shasainn gu math na bu mhotha na bha feachd na h-Alba, mar sin dh'fheumadh Ualas agus ceannard eile nam feachdan Albannach Anndra Moireach a bhith nas gleusta.

Bha an dà fheachd air gach taobh de dh'Abhainn Fhoirthe. Cha robh dòigh a gheibheadh na Sasannaich gu na h-Albannaich ach le dhol tarsainn drochaid chumhang fhiodha. Bha na h-Albannaich a' feitheamh air an taobh eile.

Mar a chleachd Ualas agus Moireach an talamh

Leig iad le pàirt de dh'fheachd Shasainn a dhol tarsainn na drochaid agus thug iad ionnsaigh an uair sin
Ghlac iad saighdearan Shasainn ann an lùb na h-aibhne
Chan fhaigheadh an còrr de dh'fheachd Shasainn tarsainn na drochaid airson an cuideachadh
Bha uiread a dhaoine air an drochaid 's nach faigheadh na saighdearan Sasannach air teiche a-null

Blàr Drochaid Shruighlea: Prìomh cheumannan

Skip image gallery

Image caption,
Abhainn Fhoirthe
Bha feachdan Shasainn agus feachdan na h-Alba air gach taobh de dh'Abhainn Fhoirthe. Dh'fheumadh ridirean Shasainn a dhol tarsainn drochaid chumhang fhiodha airson faighinn gu na h-Albannaich.
Image caption,
A' dol tarsainn Drochaid Shruighlea
Bhon a bha an drochaid cho cumhang, cha b' urrainn ach beagan ridirean a dhol tarsainn aig an aon àm. Mar sin dh'fheumadh a' mhòr-chuid dhen fheachd Shasannach feitheamh ri dhol tarsainn na h-aibhne.
Image caption,
Na h-Albannaich a' toirt ionnsaigh
Aon uair 's gun deach pàirt de fheachd Shasainn tarsainn na h-aibhne, thug Ualas agus Moireach òrdan dha na feachdan Albannach ionnsaigh a thoirt mus faigheadh an còrr dhe na Sasannaich tarsainn na drochaid.
Image caption,
Air an glacadh leis an abhainn
Cha b' fhada gus an robh saighdearan Shasainn air an glacadh ann an lùb na h-aibhne. Chuir feachd na h-Alba stad orra bho dhol air adhart agus chan fhaigheadh iad air ais tarsainn na drochaid.
Image caption,
Gun dol-às
Chaidh tuilleadh shaighdearan Sasannach cuideachd a ghlacadh air an drochaid. Chuir sin stad air saighdearan Sasannach air an taobh eile bho bhith a' dol tarsainn na h-aibhne a chuideachadh.

Dealbh den t-sealladh bho Chaisteal Shruighlea gu làrach Blàr Drochaid Shruighlea — Image caption,
An sealladh bho Chaisteal Shruighlea gu làrach Blàr Drochaid Shruighlea.

Dè thachair an dèidh a' bhlàir?

B' e buaidh iongantach a bh' anns a' bhlàr ach bha cosgais na lùib.

Chaidh Anndra Moireach, co-cheannard Ualas air feachd na h-Alba, a dhroch leòn sa bhlàr agus chaochail e goirid an dèidh sin.

Bha Rìgh Eideard I feargach gun do chaill e. Ghabh e smachd pearsanta air feachd Sasannach agus mheàrrs e gu tuath airson Ualas a lorg agus buaidh fhaighinn air.

An ath bhliadhna, choinnicheadh Ualas agus Eideard aig Blàr na h-Eaglaise Brice.

��ý