Ffwdan am Ffermwyr
Pwy sy'n cynrychioli amaethwyr Cymru? Mae'n hen, hen broblem. Yr NFU neu'r FUW? Goronwy neu Bob? Tro pwy yw e i gael yr OBE eleni? Pwy ddylai gadeirio ymchwiliad neu sgwennu adroddiad?
O'r diwedd mae Llywodraeth y Cynulliad wedi canfod ateb. Pwy fydd yn dewis cynrychiolydd Ffermwyr Cymru ar Gomisiwn Cyfansoddiadol Syr Emyr Jones Parry? Yr NFU? Yr FUW? Y naill na'r llall y tro hwn.
Fe fydd llais yr amaethwyr yn cael ei enwebu gan Ffederasiwn Clybiau Ffermwyr Ifanc Cymru. Gwyliwch allan am gomisiynydd mewn crys siec coch, jeans tyn a wellingtons!
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
