Alun Allan?
Efallai eich bod yn cofio'r helynt wythnos ddiwethaf ynghylch amharodrwydd Ieuan Wyn Jones i rannu casgliadau ei grwp ymgynghorol ar briffyrdd a'r pwyllgor cyllid. Canlyniad hynny oedd bygythiad gan y pwyllgor i ystyried rhoi gorchymyn cyfreithiol i'r gweinidog ymddangos gerbron yr aelodau.
Ym mlaen y gad roedd yr aelod Llafur, Alun Davies. Nawr mae deryn bach yn awgrymu y bydd Alun yn colli ei sedd ar y pwyllgor ac y bydd Llafur yn dewis cynrychiolydd arall yn ei le.
Fe fydddai'r gosb braidd yn drom efallai ond gallai'r gosb honno fod o gymorth i Alun brofi i gynhadledd ddewis Llafur Blaenau Gwent nad yw'n celu unrhyw deimladau cynnes tuag at ei hen blaid. Mae colbio Plaid Cymru yn gallu bod yn fodd i ennill calonau'r hoelion wyth Llafur yn y cymoedd.
Diweddariad; Mae Alun yn gwadu'r stori yma. Fe wnai aros ychydig cyn penderfynnu pu'n ai i saethu'r deryn bach ai peidio! Rhag ofn i mi gamarwain unrhyw un nid deryn y Lib Dems oedd yn canu!
Diweddariad 2; Mae'r deryn bach wedi ei saethu ac wedi ei fwydo i'r gath!
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
