´óÏó´«Ã½

Beth nesa ar ôl AU?

Canfu arolwg diweddar fod graddedigion yn rhestru’r isod fel y pethau pwysicaf sy’n effeithio ar eu rhagolygon cyflogaeth:

Pwnc gradd

Graddau galwedigaethol, rhyng-gyrsiau a graddau â sgiliau rhif oedd yn cynnig y rhagolygon swyddi gorau e.e. cyrsiau’n ymwneud â Meddygaeth, Peirianneg a Thechnoleg, Astudiaethau Busnes, Cyfrifiaduro a Mathemateg.

Roedd llai o raddedigion â graddau yn y Celfyddydau a’r Dyniaethau, y Gwyddorau Cymdeithasol, y Gwyddorau Naturiol a graddau rhyngddisgyblaethol wedi mynd i mewn i swyddi i ‘raddedigion’.

		Siarad o brofiad... Roedd yna tua 400 o raddedigion yn trio am 3 lle, felly roedd yna gryn bwysau. mwy>> Tom Beard

Sgiliau Trosglwyddadwy

Mae llawer o gyflogwyr yn ystyried y sgiliau hyn yn hanfodol. Y sgiliau y dywedodd graddedigion ifanc mewn swyddi oedd eu hangen fwyaf arnynt oedd cyfathrebu llafar, sgiliau rhyngbersonol a’r gallu i flaenoriaethu gwaith a rheoli amser. Gall Gwasanaeth Gyrfaoedd y Brifysgol gynnig cymorth i chi i adnabod sgiliau sy’n bodoli eisoes a chynnig ffyrdd y gallwch ddatblygu eraill. Yn gyffredinol, ymarfer siarad cyhoeddus ac edrych am ffyrdd fyddai’n eich galluogi i arddangos y rhychwant o sgiliau sydd gennych eisoes neu rydych yn gweithio i’w cael. Er enghraifft - gellir defnyddio trip maes neu hyd yn oed wyliau sy’n gysylltiedig â’ch cwrs neu gyda myfyrwyr eraill i arddangos eich sgiliau trefnu.

Profiad gwaith

Roedd profiad gwaith, a’r sgiliau sy’n deillio o hynny, yn ffactor hollbwysig er mwyn llwyddo wrth chwilio am waith, boed hwnnw’n brofiad yn sgîl lleoliadau cwrs, swyddi rhan-amser neu dros y gwyliau neu waith gwirfoddol. Unwaith eto gall Gwasanaeth Gyrfaoedd y Brifysgol eich helpu i adnabod y sgiliau rydych yn eu dysgu yn eich profiad gwaith ac efallai y gallan nhw awgrymu lleoliadau da i ti lle y galli ymestyn y sgiliau yma neu ennill rhai newydd.

Math o brifysgol

Roedd mwy o fyfyrwyr o brifysgolion traddodiadol yn mynd i swyddi ar gyfer graddedigion na’r rheini o brifysgolion mwy newydd, ond roedd graddedigion galwedigaethol a’r rheini sydd â sgiliau rhif yn rhan o’u graddau yn gwneud yn dda dim ots pa brifysgol yr aethant iddi. Roedd gan y myfyrwyr fu’n astudio rhyng-gyrsiau fantais pan ddaeth yn amser chwilio am ‘swydd i raddedigion’. Er hynny, mewn rhai gyrfaoedd mae rhwydwaith yr ‘old school tie’ yn dal mewn bodolaeth. Mae nifer o dablau cynghrair yn strwythuro’u asesiadau gan gymryd i ystyriaeth gyflogaeth graddedigion. Ffynhonnell ddefnyddiol arall o wybodaeth yw llyfrgell y Gwasanaeth Gyrfaoedd. Mae gofyn i Wasanaeth Gyrfaoedd pob prifysgol gyhoeddi swyddi i raddedigion bob blwyddyn ac mae’r wybodaeth hyn ar gael i’r cyhoedd.

Dosbarth gradd

Er bod y rheini â graddau dosbarth 1af a 2.1 yn gwneud yn arbennig o dda o ran cael gwaith, roedd y rheini â 2.2 neu’n is yn gwneud yn iawn. Mewn llawer o achosion roedd gan gyflogwyr fwy o ddiddordeb mewn profiad a sgiliau gwaith na chanlyniadau gradd.

Rhyw

Roedd gan fwy o raddedigion gwryw swyddi ‘proffesiynol’, ac roedd mwy o fenywod mewn swyddi clercaidd/ysgrifenyddol. Roedd graddedigion gwryw yn ennill cyflogau uwch.

Myfyrwyr aeddfed

Roedd graddedigion iau yn ei chael hi’n haws i gael swyddi na graddedigion hyn ( dros 30 ).

HNDs

Roedd myfyrwyr HND yn ei chael hi’n fwy anodd na’r rhai â gradd, ond roedd tua 3/5 myfyriwr HND yn mynd ymlaen i wneud gradd yn hytrach na mynd yn syth i swydd. Ymdrech A bwrw bod popeth arall yn gydradd, roedd menter, creadigrwydd, penderfyniad a chynllunio gyrfaol da yn gwneud llawer iawn i sicrhau llwyddiant wrth chwilio am waith.

CVs
Cyfweliadau

Swyddi
Sgiliau ar gyfer gwaith