Mae'n siwr fod y goeden wedi ei haddurno yn eich t欧 chi erbyn hyn! Ond wyt ti wedi oedi i feddwl am fod yn wyrdd y Nadolig yma? Os nad wyt ti, dyma ambell ddarn o gyngor gan Mosgito all sicrhau nad wyt ti'n teimlo'n euog wrth ddathlu eleni!
Anrhegion Wrth gwrs, mae Mam-gu ac Anti Nel yn disgwyl anrheg eto eleni. Heb s么n am dy ffrindiau gorau.
Does neb yn disgwyl i ti beidio rhoi anrheg, ond beth am feddwl am bethau cynaliadwy i'w rhoi? Mae rhoi tocyn i gyngerdd neu 'voucher' o siop yn llawer llai o ran maint nag anrheg arferol.
Ond, os wyt ti'n hynod o awyddus i gael anrheg o ryw faint arbennig i ffrind, beth am ei lapio mewn papur cylchgronau yn lle papur lapio? Byddi di'n dechrau trend newydd ac yn arbed ffortiwn! Paid ag anghofio fod modd lapio rhai anrhegion mewn sgarff all fod yn rhan o'r anrheg ei hun! Bargen!.
Cyngor gorau Mosgito ydy ceisia gadw'r amgylchedd mewn cof wrth i ti joio'r 诺yl! A rhanna'r hyn rwyt ti'n ei wneud gydag eraill. Wrth rannu syniadau, gall caseg eira ddechrau, gyda phawb yn dilyn arferion da ei gilydd.
Ond mae Mosgito yn dy glywed di'n gweiddi - 'dw i'n hoffi prynu cardiau Nadolig am fod yr arian yn mynd at achos da.' Wel, beth am i ti roi'r arian y byddet ti wedi ei wario i elusen beth bynnag? Gwych!
Ac, os wyt ti'n derbyn cardiau gan eraill, beth am i ti eu hail-gylchu nhw pan ddaw'r flwyddyn newydd? Neu'n well byth, pam na wnei di ddefnyddio eu cefnau nhw fel labeli ar gyfer y flwyddyn nesaf?
Coeden Nadolig ac addurniadau Beth am holi dy rieni a hoffen nhw ail-gylchu'r goeden eleni? Mae cael coeden naturiol lawer yn well i'r amgylchedd na choeden ffug. A hefyd, beth am greu addurniadau gyda phapur sydd yn y t欧 a bagiau plastig lliwgar? Gall y rhain edrych yn ffynci iawn. Cer ar y we i chwilio am ragor o syniadau.
