´óÏó´«Ã½

Y Prifardd Mererid Hopwood, sydd wedi ennill Y Fedal Ryddiaith, y Goron a'r Gadair yn yr Eisteddfod Genedlaethol - y ferch gyntaf i wneud hynny - sy'n Ateb y Galw yr wythnos yma, wedi iddi gael ei henwebu gan Dewi 'Corn' Griffiths yr wythnos diwetha'.

Eistedd ar y sinc a rhes o wynebau oedolion yn fy annog i fwyta asprin mewn jam ar ôl i'm brawd bach ollwng bricsen (yn ddamweiniol!) ar fy mys yn yr ardd. Falle 'mod i'n cofio hwn yn fyw am fod y graith fach yn dal yn glir.

JPR - allech chi ddibynnu arno bob tro i ddala'r bêl o bellter.

Mae sawl digwyddiad yn dod i'r meddwl… un o'r rhai cynharaf oedd ym mhantomeim yr Ysgol Sul - Barti Ddu. Roeddem ni'r merched i gyd mewn sgertiau gwair yn dawnsio, ond pan ddaeth y llen i lawr, roeddwn i ar ôl ar y llwyfan heb fy sgert.

Yn amlosgfa Bangor yn angladd mam ffrind i mi bythefnos yn ôl.

Digonedd.

Pencaer, Sir Benfro. Cynefin.

Cwestiwn anodd. Roedd nos Sadwrn, 2/12/95, yn eitha' arbennig - cael dod adre gyda babi newydd yn frawd i'w ddwy chwaer, a hynny ar benblwydd ei Dad-cu.

Dail Pren gan Waldo Williams. 'Sdim ots pa mor aml dwi'n darllen hwn, dwi'n dod o hyd i rywbeth newydd ynddo.

Mae'r cwestiynau'n mynd yn anoddach… Te Deg gyda Mama, Mamgu ac Anti Beryl gan fod cymaint wedi digwydd ers iddyn nhw fynd. (Byse croeso mawr i Pantycelyn alw os byse fe digwydd bod yn rhydd.)

Wedyn, gyda'r nos, rhannu gwin coch gyda Paul Robeson, gan obeithio y byddai mewn hwyl canu.

Dwlen i ddysgu crefft cwrwgla.

Mynd i ben Garn Fawr, cael awr fach lonydd cyn casglu'r teulu pell ac agos i rannu storis dros swper mas-tu-fas a gwylio'r machlud.

Dibynnu ar yr hwylie, ond ymhlith y dewis byddai geiriau Emrys ar Arwelfa - dyrchafol; Merched Mwmbai - atgofion carlamus am ymarferion Bromas yn y garej; a wedyn naill ai Cân Walter, Don't Worry 'Bout a Thing neu'r Dref Wen - pob rheswm dan haul.

Madarch. Mecryll. Mwyar.

Rhywun sydd â llais canu unawd fel Mary Hopkin.

Kizzy Crawford