Cymeradwyo pryniant CPD Wrecsam gan s锚r Hollywood

Ffynhonnell y llun, Getty Images

Disgrifiad o'r llun, Mae Rob McElhenney a Ryan Reynolds wedi addo buddsoddi 拢2m yn y clwb

Mae'r cytundeb i werthu Clwb 笔锚濒-诲谤辞别诲 Wrecsam i ddau o s锚r Hollywood wedi cael ei gymeradwyo gan yr Awdurdod Ymddygiad Ariannol (FCA).

Cafodd Ryan Reynolds a Rob McElhenney eu datgelu fel y ddau ddyn busnes oedd am brynu'r clwb gan y cefnogwyr ym mis Medi y llynedd.

Fe wnaeth aelodau o ymddiriedolaeth cefnogwyr y clwb bleidleisio o blaid y dd锚l ym mis Tachwedd.

Er i'r ymddiriedolaeth gadarnhau'n flaenorol bod y ddwy ochr wedi cyfnewid cytundebau, roedd angen s锚l bendith yr FCA, ac fe ddaeth hynny ddydd Gwener.

'Ynddi am y tymor hir'

Mewn datganiad, dywedodd yr ymddiriedolaeth: "Bydd y ddwy ochr nawr yn gweithio i gwblhau gwerthiant y cyfranddaliadau yn CPD Wrecsam yr wythnos nesaf.

"Hoffem ddiolch i'r cefnogwyr am eu hamynedd yn ystod y broses yma, a gallwn eich sicrhau y bydd Ymddiriedolaeth Cefnogwyr Wrecsam yn gwneud datganiad llawn pan fydd y broses ar ben."

Mae'r ddau seren eisoes wedi rhoi arian ychwanegol i'r clwb er mwyn cryfhau'r garfan yn ystod ffenest drosglwyddo Ionawr.

Dywedodd cyn-brif weithredwr Clwb 笔锚濒-诲谤辞别诲 Lerpwl, Peter Moore, sydd wedi bod yn cynghori'r actorion bod y ddau "ynddi am y tymor hir".