´óÏó´«Ã½

Democratiaid Rhyddfrydol Cymru

Dywedodd arweinydd Democratiaid Rhyddfrydol Cymru, Jane Dodds: "Rwy'n falch na fydd ffordd liniaru'r M4 yn digwydd.

"Mae angen taclo traffig yn ne ddwyrain Cymru, ond nid dyma'r ateb. Mae'r gost ariannol ac amgylcheddol yn rhy uchel.

"Ry'n ni'n annog Llywodraeth Cymru i wario'r arian sydd wedi ei arbed ar yr M4 ar drafnidiaeth gyhoeddus, technoleg gwyrdd a thai fforddiadwy.

"Byddai hynny'n osgoi'r angen am ffordd liniaru, yn gymorth i daclo newid yn yr hinsawdd ac yn gwarchod ein hamgylchedd naturiol."

Plaid Cymru

Wrth ymateb i'r cyhoeddiad dywedodd arweinydd Plaid Cymru, Adam Price: “Rhybuddiodd Plaid Cymru am flynyddoedd y byddai’r llwybr du yn gamgymeriad costus ac amgylcheddol niweidiol, ond cael ein gwawdio gawsom ni gan Lafur Cymru.

"Wedi wyth mlynedd o fynd yn ôl ac ymlaen, ymddengys bod y prif weinidog wedi sylweddoli mai Plaid Cymru oedd yn iawn wedi’r cyfan ac o’r diwedd wedi penderfynu dileu’r llwybr du.

“Mae’r ymchwiliad a’r ymgynghori wedi costio dros £44m.

"Mae amhendantrwydd Mark Drakeford wedi costio i ni flynyddoedd pryd y gellid bod wedi bod wrthi’n cynllunio gwelliannau eraill a mwy cynaliadwy i’r ffyrdd yng Nghasnewydd a’r de-ddwyrain, buddsoddi’n sylweddol i gryfhau cludiant cyhoeddus i gael pobl oddi ar y ffyrdd ac allan o’u ceir, a datblygu prosiectau seilwaith gwyrdd newydd i Gymru.

“Mae hon yn ffordd warthus i lywodraeth ddod i benderfyniadau allweddol."

Twitter

Llywodraeth Cymru

Bydd Mark Drakeford yn gwneud datganiad llafar i'r Cynulliad nes ymlaen, ac mae'n dweud y bydd yn rhoi rhagor o fanylion am beth fydd yn digwydd nesaf bryd hynny.

"Mae’r adroddiad a’r llythyr penderfyniad yn cael eu cyhoeddi cyn fy natganiad llafar i’r Cynulliad yn nes ymlaen heddiw," meddai.

"Byddaf yn amlinellu’r camau nesaf mewn perthynas â’r mater yn y datganiad llafar hwn."

Fydd rhyw gynllun arall yn cael sêl bendith am fod y ffordd liniaru wedi'i chanslo felly?

Ffynhonnell y llun, Llywodraeth Cymru

Twitter

´óÏó´«Ã½ Cymru Fyw

Yn ei benderfyniad mae Mark Drakeford yn dweud: "Rwy'n cydnabod casgliadau'r Arolygydd ynghylch manteision ac anfanteision y Prosiect.

"Fodd bynnag, rwy'n rhoi mwy o bwys na'r Arolygydd ar yr effeithiau andwyol y câi'r Prosiect ar yr amgylchedd.

"Yn arbennig, rwy'n rhoi pwys mawr iawn ar y ffaith y câi'r Prosiect effaith andwyol sylweddol ar SoDdGAoedd Gwastadeddau Gwent a'u rhwydwaith o ffosydd a'i fywyd gwyllt, ac ar rywogaethau eraill, ac y câi effaith andwyol barhaol ar dirwedd hanesyddol Gwastadeddau Gwent

"O ganlyniad, yn fy marn i mae effeithiau andwyol y Prosiect ar yr amgylchedd (o'u cymryd gyda'i anfanteision eraill) yn drech na'i fanteision."

Taro'r Post
´óÏó´«Ã½ Radio Cymru

Twitter

Llywodraeth Cymru

Mae Llywodraeth Cymru wedi cyhoeddi dogfen gynhwysfawr ar eu gwefan i gyhoeddi'r penderfyniad.

.

´óÏó´«Ã½ Cymru Fyw

Mae gohebydd gwleidyddol ´óÏó´«Ã½ Cymru wedi trydar fod Llywodraeth Cymru ddim ar fwrw 'mlaen gyda chynllun y ffordd liniaru.

´óÏó´«Ã½ Cymru Fyw

Ar ´óÏó´«Ã½ Radio Wales y bore 'ma dywedodd ysgrifennydd Cymru, Alun Cairns y byddai ffordd liniaru yn "ateb gofynion dau draean o economi Cymru, a dyna pam ei fod mor bwysig".

"Mae'n allweddol ar gyfer unrhyw fusnes ar draws de Cymru, ac rydw i wir yn poeni os fydd Mark Drakeford yn gwneud penderfyniad negyddol heddiw," meddai.

"Mae'r arian ar gael, ac rydw i ar ddeall bod adroddiad positif gan archwilwyr hefyd."

´óÏó´«Ã½ Cymru Fyw

Un sy'n gwneud y siwrnai ar hyd y briffordd yn gyson yw'r Dr Eleri Rosier, sy'n darlithio yn ysgol fusnes Prifysgol Caerdydd.

Dyw trafnidiaeth gyhoeddus ddim yn ymarferol iddi, ac mae'n gweithio o'i chartref yn Rhaglan, Mynwy, yn achlysurol er mwyn osgoi'r daith drwy Dwneli Bryn-glas ger Casnewydd.

Dywedodd bod y daith yn aml yn "rhwystredig" ac yn "cael effaith ar fy niwrnod cyfan".

´óÏó´«Ã½ Cymru Fyw

Tan y 1960au, doedd dim traffordd yn cysylltu dwyrain a gorllewin de Cymru.

Dim ond ers 1994 y mae'r draffordd yn dilyn ei llwybr presennol cyfan o Bont Hafren i Bont Abraham, gyda'r ffordd newydd i ail Bont Hafren yn cael ei chwblhau ddwy flynedd wedi hynny.

´óÏó´«Ã½ Cymru Fyw

Yn ystod yr ymchwiliad cyhoeddus i'r cynllun, fe wnaeth grwpiau amgylcheddol wrthwynebu'r cynllun yn chwyrn.

Dywedodd Ymddiriedolaeth Bywyd Gwyllt Gwent y byddai'r cynllun yn "rhwygo cydlyniad hanfodol ardal Lefelau Gwent".

Mae'r ardal yn cynnwys wyth safle o ddiddordeb gwyddonol eithriadol, ac mae wedi'i dynodi'n warchodfa natur cenedlaethol.

Mae Plaid Cymru a'r Democratiaid Rhyddfrydol hefyd yn gwrthwynebu'r cynllun.

Ffynhonnell y llun, Llywodraeth Cymru

´óÏó´«Ã½ Cymru Fyw

Nod y ffordd liniaru oedd lleddfu problemau traffig yn ardal Casnewydd, ac yn benodol o amgylch twneli Bryn-glas.

Mae oedi ar y ffordd yn ystod cyfnodau prysura'r dydd.

Mae CBI Cymru, sy'n cynrychioli arweinwyr busnes, eisiau i'r cynllun fynd yn ei flaen, yn ogystal â grŵp newydd Plaid Brexit yn y Cynulliad.

´óÏó´«Ã½ Cymru Fyw

Fe fydd cyhoeddiad am ddyfodol cynllun ffordd liniaru'r M4 yn ardal Casnewydd o fewn y munudau nesaf.

Ar ein llif byw arbennig fe gewch chi'r cyhoeddiad, a'r ymateb iddo.

Croeso aton ni.