����ý

Bwrdd Iechyd Prifysgol Caerdydd a'r Fro

Yn y senario achos gorau (dim ond 25% o'r achosion disgwyliedig, oherwydd pellter cymdeithasol llwyddiannus ac ati) dywed y bwrdd iechyd y bydd diffyg o 600 o welyau ysbyty yng Nghaerdydd.

Mae hyn yn fwy tebygol o fod yn ddiffyg o 2,000 o welyau, meddai'r rhybudd i ddoctoriaid.

Mae'r ymddiriedolaeth yn edrych i greu ysbyty brys, gyda Stadiwm Principality yn opsiwn posib, medd awdur y neges.

"Bydd angen meddygon a nyrsys arnyn nhw i staffio'r ysbyty newydd hwn," meddai.

"Mae'r ymddiriedolaeth yn dibynnu ar feddygon teulu i 'wirfoddoli' i reoli'r cyfleuster hwn."

Bwrdd Iechyd Prifysgol Caerdydd a'r Fro

Mewn neges ysgytwol i ddoctoriaid ddydd Mercher, dywedodd Bwrdd Iechyd Prifysgol Caerdydd a'r Fro y byddai'r canlynol yn digwydd yn yr ardal mewn "senario gwaethaf posib rhesymol":

• 400,000 yn cael eu heintio;
• 265,000 yn dangos symptomau;
• 30,000 yn mynd i'r ysbyty;
• 4,000 yn marw.

Dywed y bwrdd iechyd mai dynion gydag afiechydon cardiofasgiwlar a BMI uchel sydd â'r risg uchaf.

Dywed y neges hefyd y bydd yr achosion ar eu hanterth rhwng 4 Mai-6 Gorffennaf.

Mae'r neges yn dweud fod y gwelyau gofal dwys yno wedi cynyddu o 34 i 178.

Twitter

Cyngor Gwynedd

Mae trigolion Gwynedd yn cael eu rhybuddio i fod yn wyliadwrus o bobl "diegwyddor" sy’n cymryd mantais o’r pandemig coronafeirws i dwyllo’r cyhoedd.

Dywed y cyngor fod twyllwyr yn targedu’r cyhoedd a sefydliadau drwy e-bost, neges testun, galwadau ffôn a negeseuon WhatsApp neu’n sefydlu gwefannau, gyda’r bwriad o gymryd arian neu gasglu gwybodaeth bersonol.

Mae'r rhain yn cynnwys pobl yn cymryd arnynt i fod yn Samariaid Trugarog ond yn manteisio ar bobl er mwyn dwyn eu harian, ac eraill yn cynnig rhoi cyngor a thriniaeth ffug i coronafeirws.

Am fwy o wybodaeth am sut i ddelio â sgamiau a thwyll, ffoniwch llinell defnyddwyr Cyngor ar Bopeth ar 0808 223 1144 neu drwy’r Uned Safonau Masnach – ewch i

Mae'r pandemig yn achosi llawer o bobl i deimlo'n gaeth i'w cartrefi, gan gynnwys menywod beichiog.

Nid yn unig maen nhw wedi'u hynysu rhag cymorth cynenedigol ond o'u hanwyliaid hefyd.

Dywed Coleg Brenhinol y Bydwragedd yng Nghymru "y bydd angen i wasanaethau newid" gan fod "y gwasanaeth dan straen".

Ffynhonnell y llun, Elin Edwards

Wrth son am y clwstwr pryderus o achosion yn ardal Bwrdd Iechyd Aneurin Bevan, dywedodd Dr Atherton fod hynny'n ymwneud â phrofi, gan fod cynnydd wedi bod yn nifer y profion yn yr ardal.

Mae Prif Swyddog Meddygol Cymru, Dr Frank Atherton wedi dweud y bydd oedi o hyd at bythefnos cyn y bydd effaith y mesurau llym a gyflwynwyd nos Llun yn cael eu teimlo.

Mewn cynhadledd newyddion y bore 'ma, fe rhybuddiodd y bydd nifer yr achosion o coronafeirws, a marwolaethau, yn cynyddu dros y pythefnos nesa, ond yna'n gostwng wrth i'r mesurau frathu.

"Mae'n fater o brynu amser i'r Gwasanaeth Iechyd fod mor barod ag sy'n bosib ar gyfer ymchwydd mawr o achosion," meddai.

Mae Golwg360 yn tynnu sylw i gyhoeddiad gafodd ei wneud prynhawn ddoe gan Barc Cenedlaethol Eryri, ac sy'n dod i rym y bore 'ma, sef bod mynyddoedd mwyaf poblogaidd Eryri ar gau i'r cyhoedd o rwan ymlaen.

Yn rhyfeddol, mae cwmni awyrennau Airbus wedi ailddechrau gweithio yn eu ffatrioedd yn Ffrainc a Sbaen wedi dim ond pedwar diwrnod o oedi.

Ond fe ddywed y cwmni eu bod wedi ystyried iechyd a diogelwch eu gweithwyr, ac felly wedi lleihau'r gwaith ar bron bob safle.

Mae hyn yn golygu y bydd Gwyliau'r Pasg yn cael ei ymestyn i fwyafrif y gweithwyr yn ffatri'r cwmni ym Mrychdyn, Sir y Fflint, er na fydd y ffatri'n cau yn llwyr.

Cyngor Sir Ddinbych

Mae Cyngor Sir Ddinbych yn galw ar berchnogion pob parc carafanau a safle gwersylla yn y Sir i ddilyn Cyfarwyddeb Prif Weinidog Cymru ac chau ar unwaith, i helpu i leihau lledaeniad Coronafeirws.

Dywedodd arweinydd Sir Ddinbych, y Cynghorydd Hugh Evans OBE: "Er gwaethaf y cyngor gan ein Llywodraethau; mae nifer yr ymwelwyr â Sir Ddinbych dros yr ychydig ddiwrnodau diwethaf wedi bod yn hynod bryderus a siomedig. Rwy'n eich annog felly i gau eich Parc/gwersyll/llety ar unwaith fel y gallwn atal y firws rhag lledaenu, a chyfyngu ar effaith ymwelwyr ar ein gwasanaethau iechyd a gofal yn lleol sydd eisoes o dan bwysau sylweddol.”

Twitter

Wrth gyfeirio at stori ar wefan ITV Wales, mae arweinydd Plaid Cymru, Adam Price yn galw ar Lywodraeth Cymru i weithredu i gynorthwyo cynghorau'r wlad.

Twitter

I bawb sy'n hunan ynysu neu yn dilyn y cyfarwyddiadau ac yn aros adre, mae cyfle i chi geisio cadw'n heini yn y stafell ffrynt!

Mae rhai o gynghorau Cymru yn symud staff o un adran i un arall er mwyn cadw gwasanaethau hanfodol i redeg.

Mae Zoe Coleman fel arfer yn gweithio fel achubwr bywyd yng Nghanolfan Hamdden Penfro, ond bu'n dweud wrth Radio Wales y bore 'ma ei bod bellach yn gweithio gyda'r timau casglu sbwriel.

Dywedodd arweinydd Cyngor Caerdydd, Huw Thomas ei fod yn disgwyl gweld mwy o hyn yn digwydd ar draws Cymru.

Mae Maes Awyr Caerdydd wedi dod i stop yn llwyr heddiw.

Does yr un awyren yn mynd i fod yn teithio i mewn nac allan oddi yno. Mae un awyren - o Amsterdam - i fod i lanio yno yfory, ond heblaw hynny y disgwyl yw na fydd mwy o awyrennau'n glanio na gadael am wythnosau lawer.

Mae'r maes awyr yn dal ar agor rhag ofn y bydd awyrennau'n gorfod glanio yno mewn argyfwng megis cyflenwadau meddygol.

Mae llawfeddyg blaenllaw wedi rhybuddio y gallai rhai cleifion canser farw am na fydd yna ofal dwys ar gael iddyn nhw oherwydd coronafeirws.

Dywedodd Gethin Williams, sy'n llawfeddyg ymgynghorol yn Ysbyty Brenhinol Gwent, ei fod yn poeni'n arbennig am gleifion fydd angen llawdriniaethau brys.

Yn ôl Mr Williams, bydd meddygon yn gorfod gwneud dewisiadau anodd wrth drin cleifion sydd wedi eu heintio â Covid 19.

Ffynhonnell y llun, Robin Drayton/Geograph

����ý Radio Cymru

Mae'n neis cael bod yn fusneslyd weithiau, ac mae'r sefyllfa sydd ohoni yn amlwg yn gwneud i rai pobl ddangos eu cartrefi - neu stiwdios darlledu dros dro - i ni ar y cyfryngau cymdeithasol.

Tro Dylan Ebenezer yw bwrw golwg dros y papurau ar Radio Cymru heddiw....

Cyhoeddodd Dr Sarah Aitken, cyfarwyddwr iechyd y cyhoedd ym Mwrdd Iechyd Prifysgol Aneurin Bevan, fod yr ardal yn gweld "yr un patrwm ag a welwyd yn yr Eidal".

Roedd gan yr ardal 309 o achosion wedi'u cadarnhau o Covid-19 - bron i hanner cyfanswm yr achosion yng Nghymru a mwy na dwywaith nifer unrhyw ardal arall.

Mae'r bwrdd iechyd yn cwmpasu ardaloedd Blaenau Gwent, Caerffili, Sir Fynwy, Casnewydd, Torfaen a de Powys.

Ffynhonnell y llun, Bwrdd Iechyd Prifygol Aneurin Bevan

����ý Cymru Fyw

Croeso i'n llif byw dyddiol yn ystod cyfnod y coronafeirws yng Nghymru.

Yn ystod heddiw, dydd Iau 26 Mawrth, fe gewch chi'r newyddion diweddaraf am y feirws a'i effeithiau ar bobl yma yng Nghymru.

Bore da i chi.