����ý

Llywodraeth Cymru

Ychwanegodd Mr Drakeford y bydd profion newydd - sy'n gallu dangos os yw person wedi cael y feirws neu beidio - yn cael eu defnyddio'n bennaf ar gyfer gweithwyr iechyd i ddechrau.

Pan fydd hynny wedi'i gyflawni, y nod wedyn yw ymestyn y profion hynny i weithwyr allweddol mewn meysydd eraill ac yna i'r cyhoedd.

Llywodraeth Cymru

Dywedodd Mark Drakeford: "Mae'r mesurau presennol yn para am dair wythnos - rwy'n gallu gweld achos i wneud mwy na hynny.

"Dros i misoedd i ddod, os ydyn ni'n llwyddo fyddwn ni'n gallu lleihau'r mesurau sydd gyda ni ar hyn o bryd."

Llywodraeth Cymru

Mae'r prif weinidog Mark Drakeford wedi cyhoeddi fod ei lywodraeth wedi sefydlu cronfa argyfwng werth £500m o ganlyniad i ailflaenoriaethu cyllidebau.

Diolchodd i bobl Cymru am eu hamynedd a'u help wrth ddelio gyda chanllawiau coronafeirws, ac felly achub bywydau.

S4C

Llywodraeth Cymru

Cofiwch y bydd Cynhadledd i'r Wasg Llywodraeth Cymru'n cael ei chynnal am 12:30. Fe fydd modd clywed diweddariad y Prif Weinidog Mark Drakeford am sefyllfa coronafeirws yng Nghymru, a hynny drwy wylio'r gynhadledd yn fyw ar S4C, neu ar ����ý One Wales.

Twitter

Twitter

Mae Cyngor Tref Cricieth wedi gweithio mewn partneriaeth gyda busnesau a’r gymuned i greu cynllun cymorth i drigolion y dref sy’n hunan ynysu ac yn fregus.

Mae’r cynllun yn cynnwys cymorth i gasglu sopia, postio, cyflenwadau brys a cherdded y ci.

Yn ôl Clerc y Cyngor Tref, Dr Catrin Jones: “Mae’n ffantastig gweld yr ymateb yn y dref. Rydym wedi bod yn ofalus i ddilyn canllawiau swyddogol gan Gyngor Gwynedd ac asiantaethau gofal wrth greu cynllun cymorth cynaliadwy i'r trigolion.

"Mae pob un o’n gwirfoddolwyr gyda cherdyn adnabod swyddogol ac wedi derbyn canllawiau.”

Mae uwch ymgynghorydd meddygol, sydd wedi ei ddisgrifio fel un sydd yn "hanfodol" i'r frwydr yn erbyn coronafeirws yn y gogledd, yn sownd yn India.

Mae Dr Venkat Sundaram yn arweinydd clinigol yn yr uned gofal dwys yn Ysbyty Glan Clwyd ym Modelwyddan, ac nid yw'n gallu dychwelyd i'r DU ar hyn o bryd.

Roedd wedi hedfan i India sawl wythnos yn ôl i weld ei dad oedd yn bur wael. Bellach mae ei dad wedi marw.

Nawr mae'n galw ar Lywodraeth Cymru i gynorthwyo yn y dasg o'i gludo adref.

Bu'r cofrestrydd uned gofal dwys Dr Dafydd Williams yn gweithio gyda Dr Sundaram am 18 mis yn Ysbyty Glan Clwyd.

Dywedodd: "Fe adawodd y DU ychydig wythnosau'n ôl am fod ei dad yn marw. Yn anffodus mae ei dad wedi marw bellach. Mae wedi bod yn hunan ynysu ac yn ymdrechu i ddychwelyd i'r DU, ond mae'n sownd. Mae'n arweinydd clinigol yn yr uned gofal dwys felly mae ei angen arno ni.

"Rydym yn gofyn i lywodraethau'r DU a Chymru i weithio ar frys gyda llywodraeth India i'w ddychwelyd adref."

Twitter

Cyngor Gwynedd

Mae Cyngor Gwynedd wedi cyhoeddi pecyn o fesurau economaidd i helpu pobl leol a chymuned fusnes Gwynedd yn ystod argyfwng pandemig coronafeirws.

Mae’r mesurau yn cynnwys ‘gwyliau’ ad-daliad benthyciad busnes, cymorth i fusnesau bach a chymorth i’r rhai sy’n poeni am eu biliau treth Cyngor.

Mae'r mesurau hefyd yn cynnwys seibiant i rai benthyciadau busnes, grantiau o £25,000 i fusnesau manwerthu, hamdden a lletygarwch sydd â gwerth ardrethol o £12,001-£51,000; tra bydd pob busnes sydd â gwerth ardrethol o £12,000 neu lai – ac sy'n gymwys i gael Rhyddhad Ardrethi Busnesau Bach – yn derbyn grant o £10,000.

Bydd y Cyngor yn defnyddio Cynllun Rhyddhad Ardrethi Llywodraeth Cymru ar gyfer y sector Manwerthu, Hamdden a Lletygarwch. Nod y cynllun yw darparu cefnogaeth ar gyfer adeiladau cymwys trwy gynnig gostyngiad o 100% ar eu bil ardrethi annomestig.

Dywed y cyngor hefyd ei fod yn annog unrhyw un sy'n poeni eu bod am gael trafferth i dalu’r Dreth Gyngor oherwydd y newidiadau sydyn mewn amgylchiadau i gysylltu gyda swyddogion.

Mae asiantaeth newyddion Reuters yn adrodd bod ymgynghorydd arbennig y prif weinidog, Dominic Cummnings, bellach yn hunan ynysu wedi iddo ddangos symptomau covid-19.

Twitter

Mae Ffred a Meinir Ffransis wedi dychwelyd i faes awyr Heathrow ar ôl bod yn sownd ym Mheriw ers pythefnos oherwydd yr argyfwng coronafeirws, medd un o'u plant.

Twitter

Nid dim ond y Brifwyl sydd wedi ei gohirio eleni - mae'r Illawarra Mercury yn Awstralia yn adrodd fod Eisteddfod Wollongong wedi diodde'r un dynged hefyd.

Twitter

Twitter

Mae Elin Jones wedi bod yn rhoi ei hymateb i'r newyddion am ohirio'r Eisteddfod Genedlaethol yn Nhrhegaron eleni, o achos y sefyllfa gyda haint coronafeirws.

Bydd argyfwng coronafeirws yn arwain at "bandemig o drais yn y cartref", yn ôl ymgyrchwyr.

Bydd y rhai sydd eisoes mewn sefyllfa fregus yn gorfod treulio eu holl amser gyda'r person sy'n eu cam-drin wrth iddyn nhw aros gartref er mwyn dilyn y rheolau caeth sydd mewn lle i geisio rheoli ymlediad Covid-19.

Mae hyn yn debygol o achosi cynnydd mewn trais yn y cartref, yn ôl arbenigwyr a phobl sydd wedi dioddef o drais.

Ffynhonnell y llun, Getty Images

Cyngor Ceredigion

Mae Cyngor Sir Ceredigion a Bwrdd Iechyd Prifysgol Hywel Dda yn gweithio gyda'i gilydd mewn ymateb i bandemig COVID-19.

Bydd tri cyfleuster yn y sir - Canolfan Hamdden Plascrug ac Ysgol Penweddig yn Aberystwyth a Chanolfan Hamdden Aberteifi - yn darparu capasiti ychwanegol mewn ymateb i'r heriau digynsail y mae'r GIG a gwasanaethau gofal cymdeithasol yn eu hwynebu ar hyn o bryd.

Mae safleoedd pellach ledled y sir yn parhau i gael eu trafod a darperir gwybodaeth bellach pan fydd y rhain yn cael eu cadarnhau. Mae'r gwasanaeth iechyd hefyd yn gweithio gyda'i bartneriaid prifysgol yn Aberystwyth ar gyfleoedd iddynt gefnogi'r ymdrechion.