´óÏó´«Ã½

Pan aeth y ffotograffydd brwd, Alwynne Jones, i Ynys Lawd oddi ar arfordir Ynys Môn i drio cael llun o'r goleudy gyda'r machlud, ychydig a wyddai y byddai'n cael llun o olygfa hyd yn oed mwy trawiadol.

Llwyddodd i dynnu llun llachar o'r haul yn disgleirio dros Fynyddoedd Wicklow draw dros Fôr Iwerddon, a hynny gyda'i ffôn symudol.

"Mae arfordir Ynys Môn yn arbennig i ffotograffwyr dynnu lluniau trawiadol," eglura Alwynne, sy'n aelod o Glwb Camera Caernarfon ac yn tynnu lluniau ers blynyddoedd, "yn enwedig adeg stormydd!"

Dim ond "falle unwaith neu ddwywaith y flwyddyn" mae modd gweld Iwerddon o Ynys Môn, meddai. Tybed a gafodd 'the luck of the Irish' i gael y llun yma?