Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Achos llofruddiaeth: Teyrnged i fenyw 69 oed o'r Rhyl
Ffynhonnell y llun, Llun teulu
Mae teulu menyw 69 oed a fu farw yn Y Rhyl wedi rhoi teyrnged i "asgwrn cefn y teulu".
Bu farw Catherine Flynn ar 么l iddi gael ei chludo i'r ysbyty gydag anafiadau difrifol ddiwedd mis Hydref.
Mae Dean Mark Albert Mears, 33, wedi ymddangos yn y llys ar gyhuddiad o'i llofruddio.
Wrth roi teyrnged iddi, dywedodd ei theulu fod "Cathy yn fam, nain, hen nain, modryb a chwaer hyfryd, ac yn ail fam ac yn ffrind da i nifer".
"Roedd yn caru ei theulu yn fwy na dim byd arall.
"Mae ei marwolaeth wedi gadael bwlch enfawr yn ein calonnau, a bydd pethau byth yr un peth hebddi.
"Nid yn unig yr ydym wedi colli ein mam a'n nain, ond rydym wedi colli ein ffrind gorau, ein lle saff, ein diogelwch, asgwrn cefn y teulu a'n goleuni dyddiol."
