Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Agor cwest i farwolaeth merch 12 oed o Ferthyr Tudful
Ffynhonnell y llun, Google
Mae cwest wedi ei agor i farwolaeth merch 12 oed o Ferthyr Tudful.
Clywodd y llys fod taid Mia-Mai Grace Williams wedi dod o hyd iddi hi mewn ystafell wely yn ei gartref am 18:20 ar 10 Awst, ac nad oedd hi'n ymateb iddo.
Cafodd ambiwlans ei alw ac fe gafodd Mia-Mai ei chludo i Ysbyty鈥檙 Tywysog Siarl cyn cael ei throsglwyddo鈥檔 ddiweddarach i Ysbyty Athrofaol Cymru.
Bu farw'r diwrnod canlynol.
'Episod meddygol'
Cafodd archwiliad post mortem ei gynnal yn ddiweddarach gan Dr Andrew Bamber ond bydd ymchwiliadau pellach i geisio darganfod beth oedd achos ei marwolaeth.
Gohiriodd y Crwner cynorthwyol, Rachel Knight y cwest a mynegodd ei chydymdeimlad 芒 theulu Mia-Mai.
Mewn datganiad blaenorol, dywedodd Heddlu De Cymru bod swyddogion wedi eu galw wedi i blentyn 12 oed gael episod meddygol mewn cyfeiriad ym Mhenbryn, Merthyr ar 10 Awst ac nad oedd ei marwolaeth yn amheus.
Fe wnaeth Ysgol Gyfun Gymraeg Rhydywaun ym Mhenywaun, lle鈥檙 oedd Mia-Mai yn ddisgybl blwyddyn saith, ailagor ar 14 a 15 Awst i gynnig cefnogaeth a chwnsela i鈥檞 chyd-ddisgyblion.
