´óÏó´«Ã½

Anns an t-seirbheis seo cluinnidh sibh na sailm agus an leughadh a leanas:
Salm 91: 15-16 air fonn St David agus ‘s e Seumas Gracie a tha os cionn na seinn le taic bho choitheanal Eaglais Shnìosoirt san Eilean Sgiathanach.
Salm 103: 8-10 air fonn London New agus ‘s e Dòmhnall MacSuain a tha os cionn na seinn le taic bho choitheanal Eaglais na h-Alba air an Tairbeart.
Salm 102: 16-18 air fonn Bangor agus ‘s e Dòmhnall MacÌomhair a tha os cionn na seinn le taic bho Choitheanal Eaglais Shaor an Allt Bheithe.

Leughadh: Marcus 10: 46-52
Ceann-teagaisg: Marcus 10: 46-52

Rugadh an t-Urr Iain Mac a' Ghobhainn ann am Pabail Iarach anns an Rubha. Mus deach e a-steach airson na ministrealachd bha e na bhùidsear. Tha Mgr Mac a' Ghobhainn pòsta le dithis mhac. Chaidh a phòsadh ris a' chiad choitheanal aige ann an 1994 far an robh e stèidhichte aig Eaglais Shaor Phartaig ann an Glaschu. Dh'fhuirich e an sin gu 2003, gus an do ghluais e gu Tasmania far an robh e na mhinistear ann an Eaglais Chlèireach cheann a deas na dùthcha. Thill e air ais dhan dùthaich seo ann an 2015 agus fhuair e gairm bho choitheanal Eaglais Shaor Leantainneach na Hearadh. Chaidh Mgr Mac a' Ghobhainn a phòsadh ris a' choitheanal sa Chèitean 2016. Tha Maighstir Mac a’ Ghobhainn an-diugh air ais ann an Leòdhas, a’ fuireach ann an Ceann a Tuath nan Loch agus air a dhreuchd a leigeil dheth. Tha e fhathast a’ searmonachadh agus a-nise a' cur seachad tòrr ùine aig an taigh a’ dèanamh rud a tha a còrdadh ris gu mòr, ‘s e sin DIY.