´óÏó´«Ã½

Anns an t-seirbheis cluinnidh sibh na sailm agus an leughadh a leanas:
Salm 63: 1-2 air fonn London New agus ‘s e Murchadh MacLeòid a tha os cionn na seinn le taic bho Choitheanal Eaglais Shaor Steòrnabhaigh.
Salm 16: 5-7 air fonn Moravia agus ‘s e an t-Urr Iain Mac a’ Ghobhainn a tha os cionn na seinn le taic bho Choitheanal Eaglais na h-Alba ann an Loch na Madadh
Salm 130: 7-8 air fonn Torwood agus ‘s e Iain A Dòmhnallach a tha os cionn na seinn le taic bho Choitheanal Eaglais na h-Alba air an Tairbeart.

Leughadh: Hosea 11: 1-12
Ceann-teagaisg Hosea 11: 1

'S ann do sgìre Bheàrnaraigh a bhuineas Iain Murchadh Dòmhnallach agus chaidh e dhan sgoil san sgìre sin mus deach e a Steòrnabhagh son foghlam aig àrd-ìre ann an Sgoil MhicNeacail agus Colaiste a' Chaisteil.

Rugadh agus thogadh Iain Murchadh air croit agus cha robh e na shrainnsear dhan obair chruaidh a bha ri dhèanamh air a' chroit. Bha obair pàirt-ùine aige còmhla ri Roinn na Tèarainteachd Shòisealta agus bha cosnadh cuideachd aige aig aon àm ann an Roinn an Fhoghlaim aig Comhairle nan Eilean Siar.

Dh'atharraich beatha Iain Murdo ann an 1989 agus fhuair e eòlas air beatha a' Chrìosdaidh agus bho thàinig an t-atharrachadh sin na bheatha, bha e a' faireachdainn gum bu chòir dha ceumannan eile a ghabhail agus a dhol a dh'ionnsachadh a bhith na mhinistear. Ann an 1995 chaidh e gu Colaiste na Diadhachd aig Oilthigh Obar Dheathain. An dèidh trèanadh airson na ministrealachd, chuir e seachad mu bhliadhna gu leth aig Àrd-eaglais Steòrnabhaigh. Ann an 2001 fhuair e gairm bho choitheanal Eaglais na h-Alba ann an Nis agus agus dh'fhuirich e an sin gus an do ghluais e gu coitheanal an Tairbeirt anns na Hearadh.

Tha Iain Murchadh pòsta aig Alison NicDhòmhnaill ( an nighean a b' òige aig an Urr Alasdair Dòmhnallach, Alasdair Mhurdaig, 's a bhean, Màiri ) agus tha triùir chloinne aca.