´óÏó´«Ã½

Bu chòir cuir às do dh'Oifis nan Dùtchchannan Cèin agus roinn ùr a chruthachadh - Roinn Chùisean Eadar-nàiseanta - às aonais uimhir de dheilbh bho àm nan colonaidhean. Sin a tha buidheann de dh'àrd-dhioplòmatan agus oifigearan, a bha aig aon àm ag obair san roinn, ag ràdh 's iad air leabhran beag a chur ri chèile far a bheil iad a’ moladh ath-leasachaidhean radaigeach de phoileasaidh air dùthchannan cèin. Tha iad a' gearan gu bheil Oifis nan Dùthchannan Cèin ' làn uaisleachd agus seann fhasanta' agus a’ strì airson mandat sam bith a choileanadh. Mìnichidh an tè-naidheachd, Anna Nicleòid, cò a tha air culaibh na molaidhean a tha seo? Agus carson an-dràsta?

Tha 150 bliadhna air a' mhìos seo bho chaidh fear a Beàrnaraigh, Leòdhais, a chur an grèim ann an Steòrnabhagh an dèidh do chuid de mhuinntir nan eilean caismeachd à Beàrnaraigh a Steòrnabhagh, 's iad a' togail fianais an aghaidh mì-cheartas a rinn oighreachdan Mhorsgail agus Sgealasgro, nuair a thug iad air falbh talamh-ionaltraidh a bh' aig na croitearan. Cluinnidh sinn an sgeulachd bho Ruairidh MacÌomhair a th' air a bhith a' rannsachadh na h-eachdraidh.

Rugadh cèiliche na seachdain s', Dòmhnall MacNèill, ann an Grianaig ged a tha a dhachaigh ann an Inbhir Nis an-diugh, far a bheil e ag obair na Àrd-Oifigear aig Comunn na Gàidhlig.