ادب میں نوبل انعام یافتہ افریقی امریکی نژاد ناول نگار ٹونی موریسن جنہوں نے حال ہی میں بارک اوبامہ کی حمایت کا اعلان کیا ہے نے کئي دن پہلے بل کلنٹن کو 'مریکہ کا پہلا کالا صدر' لکھا تھا۔ ٹونی موریسن نے لکھا تھا 'جس انداز اور جنسی تعصب پرستی سے مونیکا لیونسکی معاملے پر بل کلٹٹن سے سلوک کیاگیا وہ سلوک امریکہ میں سیاہ فام آدمی سے کیا جاتا ہے۔' ٹونی موریسن نے لکھا تھا بل کلنٹن اور سیاہ فام لوگوں میں اور بھی قدر مشترکہ باتیں ہیں۔ وہ سنگل پیرینٹ گھرانے اور غربت میں پلے بڑھے، کالے بچوں کی طرح انکا بھی پسندیدہ کھانا میکڈونلڈ کا جنک فوڈ تھا اور کالے لوگوں کی طرح وہ بھی سیکسو فون بجاتے ہیں۔'
دوسری طرف سارہ پیلن ہے کہ جنہیں ایک امریکی بلاگر نے 'ریپبلیکن پارٹی کی باراک اوبامہ ' لکھا ہے۔ 'چھوٹے شہر کی خاتون جسے الیکشنز سے صرف ساٹھ دن قبل نائب صدارت کیلیے نامزد کرکے قومی سطح کے کوڑے دان میں پھنک دیاگیا ہے-' نبیشنل پبلک ریڈیو کے ایک بلاگر نے کہا ہے۔
سارا پیلن ڈیموکریٹک پارٹی کیطرف اب جھکائو رکھنے والی لیکن قدامت پسندوں سے بھری ریاست پینسلوینیا میں جان مکین اور اپنے لیے نوکری مانگنے آئی تھں۔ سارا پیلن کا اپنا ٹین ایج بیٹا بھی جنگ عراق کے محاذ پرگیا ہوا ہے۔
پینسلوینیا نے کبھی ڈیموکریٹس کو ووٹ نہیں دیا کیونکہ یہاں ایمش بستے ہیں 'جنکی نظر میں ریپبلکنز بھی لبرل ہوتے ہیں۔ ڈیموکریٹس کو تو وہ سمجھتے ہی کمیونسٹ ہیں-' مجھے پینسلوینیا سے چودھری نذیر بتا رہے تھے۔