´óÏó´«Ã½

Beth Nesa Ar Ôl AVCE?

Rhai sy’n ymadael â’r ysgol â AVCE

Er bod arolygon cenedlaethol yn dangos fod mwyafrif o’r rhai sy’n ymadael â’r ysgol â'r hen GNVQ yn mynd ymlaen i Addysg Uwch aeth tua 40% i waith neu hyfforddiant. Fodd bynnag, roedd hyn yn amrywio yn ôl y pwnc.

Fel y byddet yn dyfalu, mae’r rhan fwyaf o bobl ifanc sy’n ymadael ag AVCE yn mynd ar gyrsiau AU neu i swyddi perthnasol i’w pwnc, ond mae hyn eto yn amrywio rhwng pynciau.

Rhai sy’n ymadael â’r ysgol â GNVQ Canolradd neu Sylfaen

Mae mwyafrif o’r myfyrwyr GNVQ Canolradd/Sylfaen yn parhau â’u haddysg bellach gan symud i’r lefel GNVQ/AVCE nesaf yn yr un pwnc fel arfer.

Mae lleiafrif sylweddol yn mynd i swyddi neu hyfforddiant. Gan fod cyrsiau GNVQ Sylfaen a Chanolradd yn cyfateb i TGAU, mae’r math o gyfleoedd swyddi a fydd yn agored i ti yn debyg i’r rheini sy’n agored i’r rhai sy’n ymadael â’r ysgol ym Mlwyddyn 11 gyda TGAU. Fodd bynnag, byddi di’n hun, yn fwy aeddfed a bydd gen ti’r wybodaeth a’r sgiliau ychwanegol a ddaw yn sgîl dilyn cwrs gwerthfawr sy'n canolbwyntio ar ardal gyrfa.

Os byddi di’n ymadael â’r ysgol neu’r coleg cyn cyrraedd 18 oed rwyt ti’n dal yn ddigon ifanc i fod â hawl i le ar gynlluniau hyfforddi sy'n cael eu cyllido gan y llywodraeth – cynlluniau fel Prentisiaethau Modern a Rhaglenni Hyfforddi Cenedlaethol.

Lefel A/AS
Cyrsiau AB eraill

Hyfforddiant mewn gwaith
Swyddi