´óÏó´«Ã½

Lefel TAG Uwch

Wyt ti’n mwynhau gwaith ysgol?
Yn disgwyl cael graddau TGAU da?
Am ddal ati i astudio?

Yna, efallai mai lefel A/AS yw’r dewis i ti!

Pam dewis lefel TAG Uwch?

Mae prifysgolion yn rhoi pwyslais mawr ar lefel A TAG. Os wyt ti’n disgwyl graddau A*, A, B neu, mewn rhai achosion C ar lefel TGAU ac am fynd ymlaen i brifysgol, efallai mai lefel TAG Uwch/AS fyddai’r dewis gorau i ti.

Lefel TAG Uwch- Ffeil ffeithiau

• Bydd yr AS newydd yn gam cyntaf tuag at Lefel TAG Uwch, yn ogystal â bod yn gymhwyster ynddo’i hun. Os wyt ti am gymryd lefel A llawn, bydd rhaid i ti gymryd lefel AS yn gyntaf.
• Fe gei di ddilyn mwy o bynciau ym Mlwyddyn 1 – pedwar neu bum lefel AS efallai. Er hyn fe fydd y nifer yn dibynnu ar sut y gwnei di yn dy arholiadau TGAU. Fe all dy diwtoriaid a Chynghorwyr Gyrfa dy gynghori ar y llwyth gwaith y gelli ei ddisgwyl. Mae hyn yn golygu na fydd rhaid i ti gyfyngu dy ddewisiadau yn rhy gynnar a gelli roi cynnig ar bynciau newydd.
• Bydd safon yr AS newydd rhwng TGAU a'r hen lefel A i’w gwneud hi’n haws i ti ymgyfarwyddo â gwaith ar lefel uwch.
• Bydd dy ganlyniadau lefel AS yn cyfrif tuag at dy radd lefel A derfynol.
• Gelli gario ymlaen â rhai o dy bynciau AS, tri efallai, ym mlwyddyn 2, i sefyll lefel A llawn.
• Gelwir y rhan hon o’r cwrs lefel TAG Uwch yn ‘A2’ a bydd cyn galeted â’r hen lefel A.
  
• Bydd dy farciau A2 hefyd yn cyfrif tuag at dy radd lefel A derfynol. Felly AS + A2 = lefel A!

• Bydd lefel AS a lefel A2 yn cael eu graddio E i A. Mae'r llywodraeth wedi cyhoeddi'n ddiweddar eu bod yn ystyried gradd newydd sef A* i'r disgyblion uchaf.

		Siarad o brofiad... Mae gwneud cyfuniad o Lefel TAG Uwch a GNVQ yn waith caled ar adegau, ond mae wedi gweithio i fi. mwy>> Melissa Brocklesby

GNVQ
Cyrsiau AB eraill

Addysg Uwch
Swyddi