´óÏó´«Ã½

Astudio Dramor

Pam?

1. Gwneud rhywbeth cyffrous

2. Ehangu dy orwelion

3. Dysgu am ddiwylliannau gwahanol

4. Teimlo’n gyfforddus gyda ffyrdd eraill o fyw

5. Ymddangos yn fydol-ddoeth a soffistigedig i dy ffrindiau gartref

6. Gwella dy sgiliau iaith

7. Gwneud ffrindiau a chysylltiadau defnyddiol

8. Ehangu dy opsiynau swyddi i’r dyfodol

9. Manteisio ar gyfleoedd gyrfa rhyngwladol

10. Cystadlu yn y farchnad fyd-eang!

		Siarad o brofiad... Mi fyddwn i'n cynghori unrhyw un i fynd amdani! mwy>> Bethan Haf Jones

Gwneud y cwrs cyfan dramor (Anodd)

Fel aelod o’r Undeb Ewropeaidd, mae gan ddinasyddion y DG yr hawl (mewn theori) i wneud cais am gwrs mewn unrhyw brifysgol o fewn yr UE. Yn ymarferol, nid yw hyn mor hawdd ag y mae’n swnio. Bydd angen i ti fod yn rhugl yn iaith y wlad dan sylw i fanteisio ar hynny. Bydd angen y stamina arnat hefyd i ymchwilio i gyrsiau a threfniadau ymgeisio.

Does dim i rwystro neb rhag ymgeisio am le mewn unrhyw brifysgol mewn unrhyw fan yn y byd os yw’r brifysgol honno yn derbyn myfyrwyr tramor ac y gelli di dalu. Mae nifer fach iawn o fyfyrwyr o’r DG yn dilyn y llwybr hwn, fel arfer yn UDA, ond bydd angen arian ynghyd â phenderfyniad arnat.

Os hoffet ti wybod mwy, dechreua gyda thipyn o ymchwil sylfaenol yn llyfrgell dy Ganolfan Gyrfaoedd leol, yna cysyllta â’r llysgenhadaeth berthnasol yn uniongyrchol.

Cyrsiau yn y DG sy'n mynd â ti dramor (Haws)

Cyrsiau iaith

Mae’r rhan fwyaf o raddau ieithoedd modern yn golygu treulio hyd at flwyddyn dramor, un ai fel ‘assistant/e’ neu fel myfyriwr mewn prifysgol dramor. Yn Ewrop y mae’r rhan fwyaf o’r ‘blynyddoedd pontio’ hyn ond gallant fod tu hwnt i Ewrop, yn dibynnu ar yr iaith/ieithoedd sy’n cael eu hastudio.

Cyrsiau sy’n cyfuno iaith

Os byddi di’n cyfuno iaith gyda rhywbeth arall fel astudiaethau busnes, y gyfraith, gwyddoniaeth neu beirianneg mae’n bosib y bydd y cwrs yn golygu cyfnod o amser mewn prifysgol dramor neu ar brofiad gwaith dramor. Mae rhai o’r cyrsiau hyn yn arwain at gymwysterau DG/Ewropeaidd deuol.

Cyrsiau ar wahân i iaith

Mae rhai cyrsiau ar wahân i iaith yn cynnig y cyfle i astudio dramor fel rhan o’r cwrs. Mae’r rhain yn dod yn fwy poblogaidd gyda rhai, fel arfer y rhai sydd â sail busnes neu dechnolegol , yn cynnwys astudio neu weithio mewn llefydd fel Awstralia, Canada, UDA neu’r Dwyrain Pell.

		Siarad o brofiad... Mi fydd byw dramor yn dysgu rhywbeth i chi am ffordd wahanol o fyw... mwy>> Ian Rennie

Mae’r cynllun ERASMUS yn caniatáu i brifysgolion yn Ewrop drefnu ymweliad cyfnewid addysgiadol neu at ddibenion astudio gyda phartner sefydliadau ar gyfer eu myfyrwyr. Byddet yn synnu at yr amrywiaeth o gyrsiau sy’n cynnig yr opsiwn hwn. Er nad oes rhaid i ti fod yn cymryd iaith fel rhan o dy radd, efallai y cei di broblemau’n ymdopi onid oes gen ti rai sgiliau iaith ymlaen llaw (e.e. lefel A).

Ìý

Blwyddyn allan
Pa brifysgol?

Swyddi
Sgiliau ar gyfer gwaith