|
Blwyddyn Allan
Eisiau egwyl cyn dechrau ar dy gwrs AU?
Am wneud
rhywbeth gwahanol?
Mae un o bob pum myfyriwr erbyn hyn yn cymryd Blwyddyn Allan rhwng yr ysgol a’r brifysgol.
Beth fedrwn i ei wneud mewn Blwyddyn Allan?
- Cymryd rhan mewn prosiectau gwaith gwirfoddol
gartref a thramor
- Mynd ar gynllun profiad gwaith fel y ‘Flwyddyn mewn Diwydiant’
- Cael swydd dros dro
neu dymhorol gartref neu dramor
- Teithio’n annibynnol i wledydd eraill
- Dysgu sgil newydd drwy fynd
ar gwrs byr
- Cyfuno mwy nag un o’r rhain yn ystod y flwyddyn
Beth yw diben Blwyddyn Allan
Rhoi egwyl i ti dy hun rhag astudio’n llawn amser.
Gwneud rhywbeth gwahanol a chael profiad o’r ‘byd go-iawn’.
Helpu eraill a rhoi rhywbeth yn ôl i’r gymuned.
Datblygu dy sgiliau rhyngbersonol a sgiliau perthnasol-i-waith sydd mor werthfawr i gyflogwyr.
Dod yn
fwy aeddfed, annibynnol a hunan-hyderus fel y gelli di ymdopi’n fwy llwyddiannus yn y brifysgol.
Ehangu
dy orwelion drwy ddysgu am ddiwylliannau eraill a ffyrdd gwahanol o fyw.
Cynilo rhywfaint (efallai) er
mwyn talu am dy gwrs AU.
Blwyddyn Allan - yr anawsterau
Gall trefnu’r flwyddyn gymryd llawer iawn o amser
a bod yn waith caled.
Mae angen dyfalbarhad a phenderfyniad arnat i ddod i wybod am gyfleoedd a gwneud
trefniadau.
Fe allet ti wastraffu blwyddyn yn gwneud fawr ddim. Fydd hynny ddim yn edrych yn dda ar geisiadau
i’r brifysgol na cheisiadau am swyddi.
Mae rhai cynlluniau’n costio llawer iawn o arian. Fedri di fforddio
hynny?
Wnei di anghofio sut mae astudio?
Os wyt ti am fynd ymlaen i’r brifysgol wedyn bydd rhaid i ti
wneud cais am le wedi ei ohirio neu wneud cais yn ystod dy flwyddyn allan (ddim yn hawdd os wyt ti dramor).
Er bod y rhan fwyaf o adrannau prifysgol yn barod i dderbyn ceisiadau am le wedi ei ohirio, cofia holi
ynglyn â hynny yn gyntaf.
I ble’r a’ i nesa?
Dos i dudalen Lincs i weld safleoedd
gwe defnyddiol.
Dylai fod gan dy ysgol, coleg, llyfrgell leol neu
Ganolfan Gyrfaoedd wybodaeth am gyfleoedd Blwyddyn Allan, gan gynnwys enwau a chyfeiriadau cyswllt.
|
