Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Busnesau bach yn arallgyfeirio er mwyn goroesi
- Awdur, Alun Rhys
- Swydd, Gohebydd 大象传媒 Cymru
Mae perchnogion busnesau bach yn dweud y bydd rhaid iddyn nhw fod yn greadigol er mwyn goroesi cyfnod hirach o gyfyngiadau cymdeithasol.
Pan gyhoeddodd Boris Johnson ar 23 Mawrth y byddai'n rhaid i nifer o fusnesau gau fel rhan o fesurau i leihau ymlediad feirws Covid-19, daeth yn amlwg na allai caffis, siopau bach a thafarndai aros ar agor.
Ond dros yr wythnosau diwethaf mae nifer o'r busnesau hynny wedi arallgyfeirio neu addasu er mwyn sicrhau incwm a chynnig gwasanaeth i'w cwsmeriaid tra'n cadw o fewn rheolau'r cyfyngiadau.
Cyn y gwaharddiadau roedd Becws Islyn yn Aberdaron yn gwerthu bara a chacennau yn eu caffi yn y pentref.
Ond yn ddiweddar mae'r becws wedi ailddechrau pobi bara, ac mae'r cwmni r诺an yn danfon eu cynnyrch i gannoedd o gwsmeriaid ar hyd a lled Ll欧n a rhannau o Eifionydd.
'Ymateb anhygoel'
Dywedodd Gillian Jones, sy'n berchen ar y cwmni gyda'i g诺r Geraint: "Mae o wedi effeithio dipyn arnon ni a deud y gwir, rydyn ni wedi gorfod newid ein system yn gyfan gwbl.
"Naethon ni benderfynu ein hunain y basem ni'n cau'r siop achos doedden ni ddim eisiau cyswllt hefo pobl, ac mae'r ddau staff sydd gennym ni ar y system furlough.
"Geraint a fi sydd yn pobi r诺an. Rydyn ni yn cymryd archebion dros y ff么n ac rydyn ni yn mynd allan hefo'r fan yn delifro bob dydd Llun.
"Mae'n anhygoel [yr ymateb]. Rydyn ni'n cyfro o Uwchmynydd i Chwilog a draw am Lithfaen a Nefyn - mae'n dda ofnadwy.
"Rydyn ni'n gwerthu dros 700 torth, sy'n anhygoel. Mae pawb yn gefnogol iawn."
Mae tafarndai hefyd wedi bod yn meddwl am ffyrdd o gynnig gwasanaeth gwahanol i'w cwsmeriaid.
Roedd Tafarn Tu Hwnt i'r Afon, neu Twnti, yn Rhyd-y-clafdy yn gyrchfan boblogaidd cyn y gwaharddiadau a bu rhaid i'r rheolwr, Catrin Beckett, feddwl yn greadigol er mwyn gallu cynnal incwm a darparu gwasanaeth i'w chwsmeriaid.
"I ddechrau roedd rhaid i ni gau ochr y dafarn ac mi wnaeth hynny effeithio arnom ni," meddai.
"Roedden ni'n gorfod rhoi staff off ac o'n i ddim yn si诺r iawn be' i'w wneud i fynd ymlaen."
'Llwyddiannus iawn'
Ar 么l pythefnos o ystyried, penderfynodd Catrin ganolbwyntio ar gynnig clud-fwyd i'w chwsmeriaid a chadw'r siop gymunedol.
"Mae wedi bod yn llwyddiannus iawn - rydyn ni wedi gwerthu allan bob diwrnod ers i ni ddechrau," meddai.
"Mae gynnon ni siop fach yn Twnti, a 'dan ni yn hel archebion dros Facebook, yn hel y nwyddau at ei gilydd a mynd 芒 nhw allan i'r gymuned."
Erbyn hyn mae wyth i 10 o deuluoedd yn manteisio ar eu gwasanaeth ac maen nhw hefyd yn mynd i'r dref agosaf i gasglu presgripsiynau i'r rhai sydd eu hangen.
Adolygiad am lacio cyfyngiadau
Mae'r Siambr Fasnach Brydeinig wedi galw am gynllun manwl i amlinellu a sut y bydd y cyfyngiadau cymdeithasol yn cael eu llacio.
Mae disgwyl i Lywodraeth y DU gyhoeddi adolygiad am y pwnc yr wythnos hon.
Ond mae nifer o fewn y diwydiant manwerthu a gweini yn disgwyl y bydd 'na anawsterau am wythnosau lawer.
Maen nhw'n credu y bydd eu dyfeisgarwch wrth feddwl am ffyrdd newydd o fasnachu yn allweddol i gadw'u pennau uwchben y don nes byddan nhw'n cael ailagor.
