´óÏó´«Ã½

Mae ´óÏó´«Ã½ Cymru wedi cyhoeddi mai Sgwâr Canolog, Caerdydd fydd cartref yr Orsedd ar gyfer Eisteddfod AmGen 2021.

Mae'r Eisteddfod AmGen yn bartneriaeth rhwng yr Eisteddfod Genedlaethol, ´óÏó´«Ã½ Cymru ac S4C, a bydd prif seremonïau'r ŵyl yn dod yn fyw o bencadlys ´óÏó´«Ã½ Cymru yng nghanol y brifddinas yr wythnos nesaf.

Bydd dirprwyaeth o'r Orsedd, o dan arweiniad yr Archdderwydd Myrddin ap Dafydd, yn cynnal y seremonïau ar y nos Fercher, Iau a Gwener yng nghystadlaethau'r Goron, y Fedal Ryddiaith a'r Gadair.

Am y tro cyntaf, fe fydd y seremonïau yn cael eu cynnal gyda'r nos gan ddechrau am 20:00. Bydd modd gwylio'r seremonïau yn fyw ar S4C bob noson a'u clywed ar ´óÏó´«Ã½ Radio Cymru.

Dywedodd Rhuanedd Richards, Cyfarwyddwr Cynnwys a Gwasanaethau ´óÏó´«Ã½ Cymru: "Pan agorwyd drysau pencadlys newydd ´óÏó´«Ã½ Cymru yng Nghaerdydd y llynedd fe wnaethom ymrwymiad y byddem yn sicrhau fod y Gymraeg wrth galon ein gweithgareddau, yn ogystal â'n darllediadau yn y ganolfan yn Sgwâr Canolog.

"Rydw i wrth fy modd felly yn croesawu'r Eisteddfod, yr Orsedd a chynulleidfaoedd rhaglenni'r Eisteddfod i'r adeilad, gan ganiatáu i'n beirdd a'n llenorion gael eu hanrhydeddu gerbron y genedl."

Ychwanegodd Myrddin ap Dafydd: "Mae'n bwysicach nag erioed ein bod yn cynnig cyfle i ddoniau llenyddol ac yna'n dathlu - gobeithio - eu llwyddiant a'u creadigrwydd eleni.

"Rydw i'n ddiolchgar i bawb sydd wedi bod yn rhan o'r trafodaethau a'r paratoi dros y misoedd diwethaf sy'n golygu ein bod ni'n gallu cynnal seremonïau anrhydeddus a lliwgar.

"Fe fydd y profiad ychydig yn wahanol i'r arfer, ond yr un fydd y gamp o gyrraedd y brig yn yr Eisteddfod a'n bwriad a'n dyletswydd yw ceisio gwneud y profiad hwnnw mor arbennig a chofiadwy ag erioed."

Fe fydd y canlyniadau llawn ar gael ar wefan ac ap ´óÏó´«Ã½ Cymru Fyw.