Ymgyrch i ddiogelu unig feddygfa dinas leiaf Cymru

Disgrifiad o'r llun, Cynhaliwyd protest gan drigolion lleol, gan gynnwys plant ysgol, yn Nhyddewi ddydd Gwener
  • Awdur, Aled Scourfield
  • Swydd, Newyddion 大象传媒 Cymru

Mae ymgyrch wedi cael ei lansio gan bobl Tyddewi i geisio diogelu unig feddygfa dinas leiaf Cymru.

Mae 2,700 o gleifion wedi eu cofrestru yno, ond mae unig feddyg y practis wedi penderfynu ildio'r cytundeb i ddarparu gwasanaeth meddygon teulu yn lleol ddiwedd mis Hydref.

Dywedodd Bwrdd Iechyd Hywel Dda eu bod wedi ymrwymo i ganfod "ateb cynaliadwy" i ddarparu gwasanaethau yn yr ardal.

Fe wnaeth cannoedd o bobl fynychu digwyddiad "galw mewn" yn Neuadd y Ddinas ddydd Gwener.

Disgrifiad o'r fideo, Cyfweliad emosiynol John George, 88, wrth amlygu ei bryderon ym mis Ebrill pan ddaeth i'w amlwg bod meddygfa Tyddewi yn ildio'i chytundeb

Mae trigolion lleol wedi ffurfio gr诺p ymgyrchu, Achubwch ein Meddygfa, er mwyn ceisio cadw gwasanaeth meddygon teulu yn Nhyddewi.

Fe wnaeth cannoedd ymgynnull yno dros y penwythnos i lansio'r ymgyrch.

Dyma'r bedwaredd feddygfa i ildio ei chytundeb i ddarparu gwasanaethau meddyg teulu yn ardal Hywel Dda ers 2022.

Penderfynodd y meddyg yn Solfach, tair milltir i ffwrdd, i ildio ei chytundeb ddiwedd mis Mawrth 2023.

Mae gan y feddygfa honno 2,145 o gleifion yn 么l ystadegau diweddaraf y bwrdd iechyd.

Ar hyn o bryd, meddygon locwm a chyflogedig sy'n darparu gwasanaeth yn Solfach, dan arweiniad y bwrdd iechyd.

Disgrifiad o'r llun, Daeth cannoedd o bobl i ddigwyddiad i drafod dyfodol y feddygfa yn Neuadd y Ddinas ddydd Gwener

Mewn datganiad, dywedodd Jill Paterson, cyfarwyddwr gofal sylfaenol, cymunedol a gofal hirdymor Bwrdd Iechyd Hywel Dda: 鈥淗offem roi sicrwydd i gleifion Meddygfa Tyddewi ein bod yn gweithio i ddod o hyd i ateb cynaliadwy ar gyfer darparu gwasanaethau yn dilyn ildio cytundeb Gwasanaethau Meddygol Cyffredinol ym mis Hydref.

"Rydym yn awyddus i glywed gan gynifer o gleifion 芒 phosibl ac mae nifer o ffyrdd y gall cleifion sydd wedi cofrestru gyda Meddygfa Tyddewi ddweud eu dweud ar ddyfodol gwasanaethau, gan gynnwys y digwyddiad galw heibio yn Neuadd y Ddinas Tyddewi."

Disgrifiad o'r llun, Mae Meddygfa Dewi Sant, Tyddewi yn gwasanaethu 2,700 o gleifion

Dywedodd llefarydd ar ran Llywodraeth Lafur Cymru eu bod wedi cynnig "ysgogiad ariannol" ers 2017 i bobl sy'n hyfforddi i fod yn feddygon teulu "er mwyn eu denu i ardaloedd ar draws y wlad sydd, yn hanesyddol, yn anodd o ran recriwtio".

Beirniadu record Llafur yng Nghymru mae'r Ceidwadwyr, gan honni bod bron i 100 o feddygfeydd wedi eu colli mewn degawd, ac addo i wario "pob ceiniog" y mae Cymru'n ei dderbyn at y GIG gan Lywodraeth y DU.

Dywed Plaid Cymru y bydden nhw'n mynd i'r afael 芒'r gostyngiad yn niferoedd meddygon teulu trwy "adfer cyllid ar gyfer meddygon teulu i 8.7% o gyllid iechyd Cymru, a thrwy benodi 500 yn fwy o feddygon teulu ar draws y wlad".