大象传媒

Dringo Grisiau聮r Twr

Atgofion disgybl ac actor: John Ogwen yn cofio pregethwr, arlunydd a dramodydd

Gris gyntaf y twr - efo Donald Duck

Naw oed oeddwn i pan wnes i gyfarfod Gwenlyn am y tro cynta. Pnawn Sul oedd hi. Roedd ei dad, W. J. Parry, yn cael te yn ein ty ni. Y Sul arbennig hwnnw yr oedd Wesleaid Cylchdaith Ardal Bethesda a Deiniolen yn cynnal eu Cymanfa flynyddol yn Sling.

Fel dau Wesla o Ddeiniolen yr oedd Gwenlyn a聮i dad yn bresennol.

Doedd yna ddim caffi o fewn pedair milltir i Sling, felly, bwyta yn nhai cyd-Wesleaid oedd y drefn.

Fel dau chwarelwr - fy nhad yn y Penrhyn a thad Gwenlyn yn Ninorwig - a dau Wesla yr oedd yn naturiol mai acw y daeth Mr Parry a聮i fab "am ymborth" chwedl y pen blaenor.

Ar 么l bwyd, pan ddechreuodd y ddau dad 聭siarad chwaral聮 aeth y plentyn nawmlwydd yn anniddig a phenderfynodd Gwenlyn - tua phedair ar bymtheg fasa fo - ei ddiddori drwy wneud lluniau efo fo.

Roedd o聮n dipyn o arlunydd ac efo pensilau lliw gwnaeth lun ardderchog o Donald Duck.

Bu聮r llun hwnnw gen i am flynyddoedd ar wal fy llofft.

Dyna聮r diwrnod y rhois fy nhroed ar ris gyntaf 聭Twr聮 fy adnabyddiaeth o Gwenlyn ac efo聮r llun a聮r cof am ei chwerthiniad yr oedd honno聮n ris gadarn i ddechrau聮r dringo.

Ail ris y twr - pregethwr ar brawf

Aeth pum mlynedd heibio cyn i mi gael rhoi fy nhroed ar yr ail ris a hynny drwy聮r Wesleaid eto.

Yr oedd Gwenlyn bellach yn 聭bregethwr cynorthwyol聮 gyda聮r enwad a minnau yn bwt o organydd yng nghapal Gorphwysfa.

Ar gerdyn 聭plan聮 blwyddyn y Wesleaid lleol rhif 35 oedd W. Gwenlyn Parry yn rhestr y pregethwyr ac ar 么l ei enw yr oedd y geiriau "Ar brawf" mewn cromfachau!

Tybed 芒 oedd y ddau air yna yn awgrymu i聮r dramodydd feddwl mynd i聮r weinidogaeth?

Yr oedd yn hawdd iawn gwrando arno y diwrnod hwnnw. Wedyn y dois i ddeall fy mod yn gwrando ar ddeudwr stori penigamp.

Trydedd ris y twr - y 聭big break聮

Ychydig feddyliais yr adeg honno y byddai聮r dyn Parry yma yn chwarae rhan mor allweddol yn fy mywyd a聮m gyrfa, ond pan sefais ar drydedd ris y 聭Twr聮 yr oedd rhyw awgrym bach o hynny.

Daeth Gwenlyn i ddysgu gwyddoniaeth i ysgol Dyffryn Ogwen, Bethesda, pan oeddwn i yn y chweched.

Yr oedd cwmni drama yn yr ysgol a buan y daeth Gwenlyn i gymryd yr awenau.

Ysgrifennodd basiant Pasg a聮m castio i fel y Crist. Hyd y diwedd bu聮n tynnu fy nghoes mai fo roddodd y "big break" imi!

Fo hefyd gynhyrchodd Gymerwch Chi Sigaret a聮m castio fel Phugas. Ar 么l i ni berfformio yn hynod o lwyddiannus i聮n cyd-ddisgyblion gwrthododd y prifathro roi caniat芒d inni berfformio i聮n rhieni achos, yn ei farn o, fod y ddrama yn "rhy aflednais".

Fel y dywedodd Gwenlyn, "Yr unig foi 聭rioed i sensro Saunders Lewis!"

Bu fy nghysylltiad ag o wedyn yn un hir a hapus.

Dipyn o foi oedd y Wesla o arlunydd a dramodydd.