Rhaglen 4 - Iwerddon
Hen wlad sy'n gyfoeth o harddwch a hanes, prifddinas lewyrchus, gosmopolitan, pobol gyfeillgar sy'n croesawu ymwelwyr â brwdfrydedd...
Nid dyma'r darlun arferol o Ogledd Iwerddon, sy'n amlach na pheidio yn sbarduno delweddau tywyll o rwystredigaeth, trais a thristwch.
Ond dyma'r Iwerddon y bydd Hywel Gwynfryn yn ei chanfod yn Ar Dy Feic (dydd Sul, Ebrill 6)
Tafarndai a bariau
Bydd Hywel yn cyfarfod amrywiol Gymry sydd yn ymgartrefu yng Ngogledd Iwerddon ac yn mwynhau rhai o olygfeydd godidocaf y wlad, wrth deithio arfordir Swydd Antrim a darganfod rhinweddau dinas Belfast.
"Ddeng mlynedd yn ôl, doedd pobol ddim yn cael bod allan ar y stryd ym Melfast wedi chwech y nos," meddai Gwenan Pennant Thomas, cynhyrchydd y rhaglen.
"Ond nawr mae popeth yn agored yn hwyr, mae yna dafarndai a bariau ac mae yna awyrgylch soffistigedig a chosmopolitan. Mae'n lle bendigedig."
Athrawes gymuned
Bydd Hywel yn cyfarfod ac Ann Tyler, sy'n wreiddiol o Benrhyndeudraeth. Wedi cyfarfod ei gwr o Wyddel yn y coleg yn Abertawe, symudodd i Iwerddon lle mae ganddyn nhw'n awr dri o blant.
Bydd hefyd yn cyfarfod Angela O'Kaine, yn wreiddiol o Grey Abbey, Gogledd Iwerddon, a fu yn y Brifysgol yn Aberystwyth lle y dysgodd siarad Cymraeg.
Mae'n awr yn magu dau o blant, ac yn athrawes yn y gymuned yn ardal babyddol y Falls, Belfast.
Hanes y dociau
Mae Iwan Morris, sy'n wreiddiol o Aberystwyth, yn ddarlithydd anthropoleg ym Mhrifygol Queens, Belfast.
Mae ganddo ddiddordeb yn hanes datblygiad dociau Belfast, a'r ddinas, a'r ffordd mae petha'n newid, ers y cytundeb heddwch.
Ar Dy Feic, dydd Sul, Ebrill 6, 大象传媒 Cymru ar S4C, 20.30
-
-
|
