اب پھر لاؤڈ سپیکروں، توپ نما ٹی وی چنیل اینکروں، اور مفتیوں کا رخ ایک نہتی خاتون اور ایکٹرس وینا ملک کی طرف ہے۔ وینا ملک نے ہندوستان میں مقبول ریئلٹی ٹی وی شو بگ باس پر آکر اپنے فن کا مظاہرہ کیا کیا بس گویا فائٹنگ بلز کو سرخ جھنڈی دکھا دی۔ یا پھر لگتا ہے کہ یہ اکیسویں صدی نہیں سترہویں صدی کا عہد مغلیہ کا غیر منقسم ہندوستان ہے جہاں اورنگزیب کی حکومت ہے اور پھر کسی صرمد نے عریانی کے جامے میں آکر تمام عمامے اور ان میں چھپے خنجر اپنے اوپر کھلوا دیے ہوئے ہیں۔
پاکستان اور امریکیوں میں سرکاری سطح پر دوستی اور تعلقات میں گرمجوشی کے بیانات اپنی جگہ لیکن دونوں ممالک کے خفیہ اداروں کے درمیان شک اور عدم اعتماد کی فضاء کوئی ڈھکی چھپی بات نہیں۔
کل رات کو مجھے موبائل فون پر ایک ٹیکسٹ میسیج ملا جس میں لکھا تھا کہ پاکستان کے پولیس اور فیڈرل انویسٹی گیشن ایجنسی میں کنٹریکٹ پر کام کرنے والے افسران کا کیس سننے والے سپریم کورٹ کے بینچ کے تین میں سے دو جج خود کنٹریکٹ پر کام کر رہے ہیں۔
جس چھبیس جنوری کو بھارتی شہریوں کو جان کی امان حاصل ہوئی تھی وہی دن کشمیری عوام کے لیے ہر سال عذابِ جان بن جاتا ہے۔
اب تو امریکہ نے بھی پاکستان میں ایجنسیوں کے ہاتھوں سینکڑوں افراد کی گمشدگيوں پر تب تشویش کی ہے جب بلوچستان سے گمشدہ افراد کی لاشیں بر آمد ہونا شروع ہوئی ہیں۔
تاجروں کے لیے دکان سجانے کی جگہ کی کمی نہیں اور خریداروں کو سستے سامان کی لالچ رکنے پر مجبور کر دیتی ہے۔ نیلے پیلے بستروں اور کمبلوں کا ڈھیر آپ کو اپنی جانب متوجہ کیے بنا نہیں رہ سکتا۔ اور جب رکیں تو پھر وہاں موجود نوجوان پٹھان تاجر سے خالی ہاتھ جانا تقریباً ناممکن ہے۔
چند برس پہلے تک پاکستان میں کُتا بھی مرجاتا تو کشمیر ماتم کُناں ہوتا اب سرکردہ لیڈروں سے لے کر عام لوگوں کی ہیبت ناک ہلاکتیں ہو رہی ہیں مگر کشمیر میں چیں بھی نہیں ہوتی جو باعث حیرت ہی نہیں بلکہ باعث پریشانی بھی ہے کیونکہ کئی کشمیری پاکستان کو جنون کی حد تک عزیز سمجھتے تھے۔
وہ غازیوں، شہسواروں، گھوڑوں، گھوڑے پال سکیموں سے لیکر جہادی پال سکیموں والے پنجاب میں نیا ہیرو بن گیا۔ کل نہیں تو پرسوں بہت سے سلمان تاثیر کو بھی احمد خان کھرل یا دلے بھٹی کی طرح عقیدت سے چاہیں گے۔
مذہبی رہنماؤں کی جانب سے گزشتہ دنوں ہڑتال سے ایک روز پہلے روٹی لینے اسلام آباد کے ایک تندور پر گیا تو وہاں کے مالک نے ہڑتال کے بارے میں دریافت کیا۔ میں نے بتایا کہ ہڑتال توہین رسالت قانون میں کسی بھی ترمیم کے خلاف ہے تو اس شخص نے مزید کچھ پوچھے بغیر کہا کہ پھر تو ٹھیک ہی ہے 'ہم بھی کریں گے'۔
اس بلاگ کی دیگر اینٹریز پر جائیں۔
ý © 2014 بی بی سی دیگر سائٹوں پر شائع شدہ مواد کی ذمہ دار نہیں ہے
اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔
