大象传媒

Cafodd pennaeth y cwmni sy'n noddi'r eisteddfod heddiw ei atgoffa o ddeng mlynedd a dreuliodd yn Seland Newydd yn ystod ei ymweliad 芒 maes Yr Wyddgrug.

Ac yntau heb erioed fod mewn eisteddfod o'r blaen dywedodd Mike Eberlin, Cyfarwyddwr Rheoli Castle Cement, ei fod yn gweld cryn debygrwydd rhwng yr hyn a welai yng Nghymru 芒'r hyn a welodd o'r diwylliant Maori yn Seland Newydd.

Yn fwyaf arbennig yr ymlyniad at iaith a diwylliant cynhennid.

"Y mae ymrwymiad y Maori i'w diwylliant ac i'w hiaith yn debyg iawn i ymrwymiad y Cymry," meddai Mr Eberlin a fu'n gweithio yn y diwydian sment yn Seland Newydd.

Cyfeiriodd hefyd at yr hawliau y mae'r Maoriaid wedi eu hennill gan gynnwys hawliau addysg.

"Ac wrth gwrs, maen nhw'n hoff iawn o ganu ac o rygbi," meddai.

Ychwanegodd fod clywed yr holl Gymraeg ar faes yr Eisteddfod yn ystod ei ymweliad cyntaf yn ei atgoffa o fod ymhlith gweithwyr Maori yn cymdeithasu yn eu iaith eu hunain.

Yno, fel ag yng Nghymru, meddai, mae iaith yn rhan hanfodol o'r diwylliant.

"Mae iaith yn gwbl allweddol - mae'n rhywbeth sy'n clymu gwlad wrth ei gilydd, ac rwyf wrth fy modd clywed y Gymraeg o'm cwmpas heddiw," meddai.

Bu Castle Cement yn noddi'r 诺yl ers deng mlynedd ac mae ganddo waith cynhyrchu sment yn Paedswood ger Yr Wyddgrug.