|
Bore Sadwrn, Rhagfyr 12
"Wyneb yn wyneb â newid hinsawdd mae'r byd fel y Titanic lle mae gan rai fadau achub a'r lleill ddim."
Dyna ddwedodd Naomi Klein, yr awdures a'r ymgyrchydd enwog, fore Gwener mewn cyfarfod a drefnwyd gan Gymorth Cristnogol yng Nghanolfan Bela.
'Cyfiawnder Hinsawdd'
Roedd yr ystafell fawr dan ei sang i wrando ar banel o arbenigwyr yn trafod "Cyfiawnder Hinsawdd o Copenhagen" a llongyfarchodd Klein y mudiad am fod ar flaen y gad yn hyrwyddo'r syniad o gyfiawnder yn y drafodaeth ar newid hinsawdd.
"Mae'n amlwg yn fater o gyfiawnder," meddai, "am fod ffordd o fyw pobl mewn gwledydd cyfoethog yn effeithio ar fywydau pobl mewn gwledydd tlotach.
Cyfoethogion New Orleans
Soniodd am y sefyllfa adeg trychineb New Orleans pan oedd y bobl â'r modd ganddynt yn gallu gyrru i ffwrdd yn eu ceir i fannau diogel ac yn aros mewn gwestai ond y tlotaf yn gorfod aros am gymorth neu foddi - "aparteit hinsawdd".
Soniodd hefyd am y 'ddyled hinsawdd', sydd wedi datblygu'n gysyniad mawr yn y gynhadledd hon, sef bod ganddo ni, yn y gwledydd datblygedig, gyfrifoldeb moesol i dalu nôl i'r gwledydd tlawd, am y niwed rydyn ni wedi wneud iddyn nhw.
Ond soniodd hefyd bod arwyddion gobeithiol yma, a bod Bolifia yn un o'r gwledydd hynny sy'n cynnig cyfraniad adeiladol a gweledigaeth i'r trafodaethau.
Costau ailadeiladu
Roedd Tom Athanasiou, o
hefyd yn siarad yn y cyfarfod, ac yn dweud y gallai'r byd fod yn wynebu $22 triliwn o gostau ailadeiladu yn unig, petai lefel y môr yn dal i godi ar y raddfa bresennol.
Mae ecoequity yn edrych chwilio am atebion byd-eang realistig i her newid hinsawdd. Her anferth ond un sy'n rhaid ei wynebu.
.
 |
Ìý
