����ý

Mae yna ddwy stori’n cyd-redeg ac yn plethu trwy’i gilydd:

• stori Angharad ei hun
• stori tad Angharad, Ifan Gwyn, sy’n gerddor

Rydyn ni'n dilyn y ddwy stori drwy gyfrwng atgofion Angharad fel oedolyn am ei phlentyndod a blynyddoedd ei harddegau.

Mae hanner cyntaf y llyfr yn cyflwyno atgofion plentyndod cynharaf Angharad, yn gronolegol ar y cyfan, o’r adeg mae’n tua phedair oed hyd at ddiwedd ei chyfnod yn yr ysgol gynradd. Dyma rai o’r prif ddigwyddiadau:

• prynu crwban (Myfanwy)
• mynd i’r ysgol am y tro cyntaf
• ei pharti pen-blwydd yn saith oed
• mynd i ddosbarth y ‘plant mawr’
• twyllo’r athrawes drwy wneud gwaith plant eraill drostyn nhw
• cyfarfod Elena, sy’n cael gwersi canu gan ei thad
• mynd i aros gyda Myng-gu yn Llanybydder
• marwolaeth y crwban
• mynd yn sâl yn y capel

Mae ail hanner y llyfr yn ymwneud â chyfnod Angharad yn yr ysgol uwchradd (ond gan gynnwys ambell atgof cynharach hefyd). Mae ei thad yn dod yn fwy enwog ond yr un pryd daw’n amlwg fod ganddo broblemau – mae’n alcoholig ac mae’n mynd i ddyled. Mae Angharad hefyd yn mynd trwy gyfnod anodd. Dyma’r digwyddiadau pwysicaf yn y rhan yma o’r llyfr:

• Angharad, gyda’i thad, yn ymweld â bedd ei mam yn Llanybydder
• marwolaeth Anti June a’i hangladd
• Eisteddfod Genedlaethol Caerdydd, 1978, lle mae Ifan Gwyn yn serennu
• Ifan Gwyn yn derbyn llythyrau dienw cas ar ôl yr Eisteddfod
• Angharad yn darganfod ei thad yn feddw yn y tŷ
• y beilïaid yn dod i nôl eiddo Ifan Gwyn o’r tŷ