����ý

Os ydyn ni’n gwybod beth yw’r \(n\)fed term mewn unrhyw ddilyniant, mae’n bosib i ni gyfrifo unrhyw rif yn y dilyniant hwnnw.

Ysgrifenna bum term cyntaf y dilyniant \(3n + 4\).

Mae \(n\) yn cynrychioli’r safle yn y dilyniant. Y term cyntaf yn y dilyniant yw pan fo \(n = 1\), yr ail derm yn y dilyniant yw pan fo \(n = 2\), ac yn y blaen.

I ganfod y termau, dylet amnewid \(n\) yn lle rhif y safle:

• pan fo \(n = 1\), \(3n + 4 = 3 \times 1 + 4 = 3 + 4 = 7\)
• pan fo \(n = 2\), \(3n + 4 = 3 \times 2 + 4 = 6 + 7 = 10\)
• pan fo \(n = 3\), \(3n + 4 = 3 \times 3 + 4 = 9 + 4 = 13\)
• pan fo \(n = 4\), \(3n + 4 = 3 \times 4 + 4 = 12 + 4 = 16\)
• pan fo \(n = 5\), \(3n + 4 = 3 \times 5 + 4 = 15 + 4 = 19\)

Pum term cyntaf y dilyniant: \(3n + 4\) yw \(7, 10, 13, 16, 19, ...\)

Pan fo’r \(n\)fed term yn hysbys, gallwn ei ddefnyddio i gyfrifo termau penodol mewn dilyniant. Er enghraifft, gallwn gyfrifo’r 50fed term heb gyfrifo’r 49 term cyntaf, a fyddai’n cymryd llawer iawn o amser.