Hafaliadau mudiant

Mae hafaliadau mudiant yn ymwneud â’r pump mesur canlynol:

u – cyflymder cychwynnol
v – cyflymder terfynol
a – cyflymiad
t – amser
s – dadleoliad

O’r uchod, mae u, v, a, ac s yn fesurau fector. Felly, cofia wneud fectorau sy’n mynd i un cyfeiriad yn bositif, a fectorau i’r cyfeiriad arall yn negatif.

Mesur sgalar yw amser (t).

Os ydyn ni’n gwybod unrhyw dri o’r pump mesur, gallwn ni gyfrifo’r ddau arall â’r pedwar hafaliad canlynol:

v = u + at
x = ut + ½at²
x = (u + v) ÷ 2 × t
v² = u² + 2as

Er mwyn i ni allu defnyddio’r hafaliadau mudiant, mae’n rhaid i’r gwrthrych fod yn teithio mewn llinell syth ar gyflymiad cyson.

Question

Mae hoelen yn cael ei thanio o wn hoelion i mewn i floc llonydd o bren. Mae buanedd yr hoelen yn 380 ms^-1 wrth fynd i mewn i’r pren.

Mae’r hoelen yn mynd yn llonydd ar ôl treiddio 60 mm i mewn i’r pren.

Faint o amser mae’n ei gymryd i’r hoelen fynd yn llonydd? Tybia fod y ar yr hoelen yn gyson wrth iddi dreiddio i’r pren.

Diagram fector sy'n dangos cyfeiriad positif y fectorau yn mynd o'r chwith i'r dde. u = 380 m/s o'r chwith i'r dde. v = 0. s = 60 mm. a = ?. t = ?.

Question

Mae pêl yn cael ei thaflu’n fertigol i fyny â chyflymder cychwynnol o 24.5 ms^-1. Cei di anwybyddu effeithiau gwrthiant aer.

Diagram fector sy'n dangos cyfeiriad positif y fectorau at i fyny. u = 24.5 m/s at i fyny. v = 0. a = 9.8 m/s at i lawr. t = ?. s = ?

Cyfrifa’r amser mae’n ei gymryd i’r bêl gyrraedd ei huchder uchaf.

Question

Nawr cyfrifa uchafswm yr uchder mae’r bêl yn ei gyrraedd.

��ý

Cysyniadau mudiant pellachHafaliadau mudiant