����ý

Pan mae gwifren yn cael ei symud ym maes magnetig generadur, mae'r symudiad, y maes magnetig a'r cerrynt i gyd ar ongl sgwâr i'w gilydd. Os yw'r wifren yn cael ei symud i'r cyfeiriad dirgroes, mae'r cerrynt anwythol hefyd yn symud i'r cyfeiriad dirgroes.

Mewn generadur, mae un ochr coil yn symud i fyny yn ystod un hanner tro ac yna i lawr yn ystod yr hanner tro nesaf.

Mae hyn yn golygu, wrth i goil gael ei gylchdroi mewn maes magnetig, bod y cerrynt anwythol yn newid cyfeiriad bob hanner tro. Yr enw ar hyn yw cerrynt eiledol (c.e.).

Mae'n wahanol i'r cerrynt union (c.u.) sy'n cael ei gynhyrchu gan fatri sydd yn llifo i'r un cyfeiriad bob amser.

Fel rheol mewn generadur, mae'r coil yn sefydlog ac wedi'i fowntio y tu allan i'r magnet, a'r magnet sy'n symud.

Gallwn ni gynyddu maint y foltedd anwythol drwy wneud y canlynol:

• cylchdroi'r coil neu'r magnet yn gyflymach
• defnyddio magnet â maes magnetig cryfach
• rhoi mwy o droeon yn y wifren yn y coil
• rhoi craidd haearn yn y coil

Mae trydan y prif gyflenwad yn gyflenwad c.e. Mae'r foltedd mae'n ei gyflenwi i'n cartrefi tua 230 V (folt).