大象传媒

Or siop hon, hefyd, y cafodd llawer o blant Brynaman (sydd erbyn hyn yn ganol oed a thipyn yn hyn na hynny) ei beiciau a fyddai'n cael eu harddangos lan ar y llawr uchaf.

Does dim syndod bod gan bobl leol o bob oed eu hatgofion am y lle gan iddi fod yn rhan o fywyd y pentref am gymaint o flynyddoedd. Bu yn nwylo'r un teulu o 1893, pan brynodd David Davies y siop ac yntau'n wr ifanc 21 oed, nes i'w wyr Douglas Jenkins ymddeol yn 2002.

Pan ddathlodd y siop 100 mlynedd dan berchnogaeth yr un teulu yn 1993 fe ymddangosodd ar y rhaglen deledu 'Hel Straeon' gyda Catrin Beard yn siarad 芒 Hilaria, merch David Jones, a fu 芒 gofal ar y lle o 1936 i 1981, a hefyd Douglas Jenkins (nai 'Laria) ai wraig Maureen a fu yno o 1981 tan ddiwedd Awst, 2002.

Gwelwyd hefyd nifer o bobl y pentref, gyda sawl un sydd, fel Laria, wedi ein gadael bellach, pob un ohonynt yn uchel ei glod i'r hen siop.

Pob dim o bop i betrol!
Bu amrywiaeth o bethau ar werth yno yn eu tro ac, wrth gwrs, roedd yn gwerthu petrol hefyd, a hynny o bympiau oedd ar y pafin ar ochr y ffordd. Dim ond oherwydd oed y drwydded roedd caniatad i wneud hynny y blynyddoedd diweddaraf yma, a gyda'r newid perchnogaeth daeth y drwydded honno i ben. Byddai'r petrol ar werth mewn tuniau yn amser David Davies, ac mae rhai o'r tuniau hynny i'w gweld y tu allan i'r siop yn y llun sydd ar y calendr.

O Lundain y daeth William a Jessica i Frynaman. Yng Nghaerdydd y ganwyd ac y magwyd William, ac wedi mynd i Goleg Celf Caerdydd ac yna i Goleg yn Llundain bu'n gweithio yno dan gynllun Addysg Gymunedol yn dysgu pobl sut i gynllunio a gwneud dodrefn. Ond roedd ei fryd ar ddod nol i Gymru, ac yn arbennig i gymuned Gymraeg ei hiaith, ac yntau wedi gwneud yr ymdrech i ddysgu Cymraeg ei hun.

Bu ef a Jess yn chwilio yn ddyfal dros gyfnod o ddwy flynedd am le oedd yn apelio atynt ond heb lwyddo. Tra'n teithio trwy Frynaman ar ei feic modur un diwrnod bu rhaid i William aros ar Hewl Stesion i holi am fenthyg spaner i dynhau'r drych ar ei feic - ac i ble aeth e i holi ? - ie wir i chi - i "Siop Laria"!

Wrth sgwrsio 芒 Douglas, a chael benthyg spaner, clywodd fod y lle ar werth. Cael golwg o gwmpas, galwad ff么n ar frys i Jess yn Llundain, a dyna ddechrau ar bethau.

Rhedeg siop a gwersi ioga!
O Rwsia a Gwlad Pwyl y daeth cyndeidiau Jess i Brydain, ac yn Llundain y magwyd hi. Athrawes ioga a dawns yw hi gyda phrofiad helaeth yn y maes. Mae hi wedi dechrau dosbarth ioga yn Yr Aelwyd ym Mrynaman ar nos Iau rhwng 7 a 8.30 yr hwyr, ac os hoffech chi ymuno 芒'r dosbarth hwnnw yna galwch yn y siop i gael gair 芒 hi. Mae'n gobeithio symud ymlaen at weithdai perfformio hefyd yn y dyfodol.

Bu'n dilyn gwersi Cymraeg mewn dosbarthiadau yng Nghanolfan Cymry Llundain am ddwy flynedd cyn symud ac mae hi'n awyddus i gael cyfle i ymarfer - y broblem yw fod pobl yn siarad braidd yn rhy gyflym iddi ar hyn o bryd ond fe ddaw pethau'n well.

Mae yna aelod arall i'r teulu hefyd - cariad o gi defaid bach ifanc o'r enw Cwsg.Mae William a Jess yn awyddus iawn i werthu cynnyrch lleol yn y siop fel wyau, menyn, teisennau a bwydydd naturiol. Maen nhw hefyd yn gobeithio gallu gwerthu papurau a chylchgronau Cymraeg gan gynnwys cylchgronau'r Urdd. Maen nhw eisoes yn gwerthu'r Glo Man a chardiau Cymraeg.

Rhywbryd yn y dyfodol fe hoffen nhw agor lle te lan ar lawr ucha'r siop, gan roi cyfle i bobl hamddena dros gwpanaid o de. Gobeithiant hefyd allu gwerthu peth crefftwaith Cymreig a m芒n anrhegion.

Maen nhw'n bar ifanc croesawgar a diddorol, sy'n llawn brwdfrydedd ag awydd i ddod yn rhan o fywyd y pentref - ac yn esiampl wych o'r math gorau o fewnfudwyr i'r gymuned wledig Gymreig. Maen nhw'n haeddu ein cefnogaeth felly galwch i mewn i'w gweld, bobl Brynaman a thu hwnt, fe gewch groeso cynnes.

Pob hwyl a lwc dda i'r ddau yn eu menter newydd.

M.T.