|
Bydd yn ymweld 芒, ac aros mewn, dau gartref plant amddifad yn Legnica a Bystrzycy Gornej sy'n gartref i tua 80 o blant. Yn ystod yr ymweliad bydd yn rhoi cymorth i addurno'r adeiladau a gwneud gwaith cynnal a chadw cyffredinol i adeiladu gwell dyfodol i'r plant. Roedd y llefydd yn brin i fynd ar y prosiect - dim ond lle i ddeg disgybl o ysgolion uwchradd Cymru - ac felly mae'n glod mawr i'r ardal fod gennym gynrychiolydd o'n plith.
Yn 么l Dafydd: "Ym mis Tachwedd y llynedd daeth cynrychiolydd o'r Urdd i Ysgol Ystalyfera i s么n am y prosiect dyngarol ym Mhwyl. Eglurodd fod profiadau yno yn y gorffennol wedi bod yn emosiynol iawn a hefyd yn addysgol ac yn agos i'r galon. Roedd cyfle i ddeg disgybl o bob ysgol uwchradd yng Nghymru i fynd ar y prosiect bythgofiadwy yma ac yn ffodus roeddwn i'n llwyddiannus yn fy nghais i fynd. Mae' n rhaid i mi, nawr, fynd ati i godi lleiafswm o 拢500 ar gyfer y daith fel fy mod yn gallu prynu offer, adnoddau ac anrhegion ar gyfer y plant Pwylaidd.
"Byddwn yn prynu popeth allan ym Mhwyl i roi hwb i'r economi lleol yno. Dim ond 拢10 y mis mae'r llywodraeth yn ei roi i ddilladu, bwydo ac addysgu pob plentyn. Felly mae'r arian a gesglir yma yn y gymuned yn holl bwysig iddynt. Nod arall y daith yw cael treulio amser gyda'r plant. Does gan y mwyafrif ohonynt ddim teulu a bach iawn o ymwelwyr sy'n mynd yno. Felly bydd ein hymweliad yn hynod o werthfawr iddynt.
"Byddwn yn cynnal Noson Gymreig yno hefyd a dysgu'r plant am Gymru a'i diwylliant. Mae'r Urdd yn gobeithio trefnu wythnos o wyliau i'r plant Pwylaidd yr haf nesaf, sef 2007, yn Llangrannog a Glan Llyn. Bydd yn gyfle i ni ail-gydio yn y cyfeillgarwch byddwn yn sicr o'i fagu yn ystod y daith eleni."
Ers wythnosau bellach mae Dafydd wedi bod wrthi'n codi arian ar gyfer yr achos. Mae wedi trefnu disgo, diwrnod gwisgo eich dillad eich hunan yn yr ysgol, pacio bagiau yn IKEA Caerdydd, ysgrifennu llythyron ap锚l i fusnesau, mudiadau a sefydliadau lleol ac mae taith gerdded noddedig i fyny'r Wyddfa ar y gweill yn ystod Mehefin. Dywedodd Dafydd: "Bydd cefnogaeth a chyfraniad o'r gymuned leol yma yn Nyffryn Aman yn gwneud byd o wahaniaeth i fywydau'r plant bach anghenus ym Mhwyl ac yn sicr o ddod 芒 gw锚n i'w hwynebau. Felly byddwn yn ddiolchgar iawn pe bai modd i ddarllenwyr Glo M芒n gefnogi fy ap锚l ariannol ar ran trueiniaid Pwyl. Gallwch gysylltu 芒 mi ar 01269 826564 neu ddanfon siec a'i gwneud yn daladwy i Dafydd ap Emyr (mae'r cyfeiriad yn y papur bro.)
Rwy'n edrych ymlaen yn fawr iawn i'r sialens sydd o'm blaen ac rwy'n gwybod bydd y profiad yma'n mynd i fod yn un arbennig a bythgofiadwy."
Pob lwc i ti, Dafydd, gyda'r daith ddyngarol ym mis Awst.
 |
听
