|
Bu Priscilla Jones a Phwyllgor Gefeillio Cwmaman wrthi'n ddyfal am flwyddyn gyfan yn ein cyfarfodydd misol yn yr Angel yn Nhircoed yn paratoi am ein hymweliad gyda'n gefeilldref, sef Pouldergat yn Llydaw.
O'r diwedd, gwawriodd y dydd mawr ar Fore Llun, y 25ain o Hydref, wrth i ddau ddeg dau ohonom ymuno 芒 bws y Brodyr Williams, yng ngofal Clive y dreifiwr a'i wraig, ym Mhont Abraham. Cawsom daith hwylus ar yr M4 i Fryste ac oddi yno lawr i Lanfa'r Fferi yn Plymouth.
Bu'r m么r yn eithaf esmwyth ar y daith dros nos draw i Lydaw er gwaethaf pryderon Catrin, a oedd yn dueddol i ddioddef wrth 'mal de mer', ymadrodd y Ffrancwyr am salwch y m么r. Yn wir, chafodd neb amser i deimlo'n s芒l am fod y cabaret bywiog ar fwrdd y llong yn mynd ymlaen tan oriau m芒n y bore. Roedd yno ryw D.J., a oedd yn eithaf tebyg ei ddull i 'Jonsi' ar Radio Cymru, yn trefnu cystadlaethau canu rhwng Cwmaman a chriw o Gernyw. Dywedodd fod ganddo ddau gan a hanner o bunnoedd i'w rhoi yn wobr i'r enillwyr, ond welodd neb liw ei arian ar ddiwedd y noson.
Ar 么l cyrraedd Roscoff am wyth o'r gloch y bore, roedd gennym dair awr o daith ar ein bws i'r Hotel Oceania yn Quimper, lle'r oeddem yn sefyll am yr wythnos. Treuliwyd gweddill y dydd yn crwydro o gwmpas y ddinas hardd hon a adeiladwyd o gylch yr afon a redai drwy'r canol.
Ar y dydd Mercher, gwnaethom ymweld 芒 Concameau a Locronan, llefydd hynod o hardd ar lan y m么r. Yna, yn uchafbwynt i'r wythnos, fe'n croesawyd gan ein gefeilliaid Llydawaidd i ginio traddodiadol ar y nos Iau yn Pouldergat. Cafwyd noson fendigedig o adloniant gydag aelodau o Lleisiau'r Cwm yn cyfrannu'n helaeth iawn, a chafwyd unawdau gan Rhian ac hefyd eitem ar y delyn gan Catrin (gyda diolch o galon i Jayne am ddod 芒'i thelyn gyda hi ar ein taith).
Cyfranodd Catrin yn helaeth drwy fod yn gyfeilydd ac anghofiwn ni fyth yr unawd alaw werin ganddi. Diolch o galon i Catrin am ei hymroddiad fel ein cyfeilydd ac arweinyddes fedrus dros ben. Cafodd yr i芒r fach wen ei phlufio fwy nag unwaith yn y modd mwyaf dramatig o dan arweiniad Mari ac Andrea. Yfwyd ambell wydriad o win i ddathlu'r achlysur.
Bu'r m么r yn eithaf stormus ar adegau yn ystod y croesiad n么l o Roscoff i Plymouth ond er gwaethaf yr olion salwch fan hyn a fan co, roedd pawb mewn hwyliau arbennig o dda wrth i ni gyrraedd n么l ym Mhont Abraham am ddau o'r gloch ar y bore Sadwrn ar 么l wythnos fythgofiadwy.
Edrychwn ymlaen at groesawu ein ffrindiau Llydewig yn 么l i'r cwm yn y Gwanwyn.
 |
听
