大象传媒

Ffurfiwyd y band ieuenctid gan Wayne Pedrick deg mlynedd yn 么l. Disgyblion o ysgolion yr ardal yw aelodau'r band ac mae'r band yn derbyn cefnogaeth Gwasanaeth Cerddoriaeth Gorllewin Morgannwg a Mr Philip Emmannuel. Mae Wayne yn gweithio i'r gwasanaeth fel athro cerddoriaeth ac yn ymweld 芒 nifer o ysgolion yr ardal.

Daw'r disgyblion o ysgolion cyfun Ystalyfera, Cwmtawe, Bryntawe a Dyffryn Aman. Mae'r band yn ymarfer bob nos Fercher yn Ysgol Gynradd Gymraeg Pontardawe ac yn cystadlu yn rheolaidd mewn cystadlaethau bandiau pres ieuenctid ac yn adran pedwar o'r cystadlaethau i oedolion.

Stadiwm Liberty

Cafwyd llwyddiant ym mis Hydref ym Mhorth Tywyn ac hefyd yng Nglyn Ebwy ym mis Mai eleni. Ar ddydd Sadwrn, l7 Mai enillodd y band y wobr gyntaf mewn cystadleuaeth yn Nhredegar ac yn ychwanegol enillodd Rhodri Morris o Gwmgors y cwpan am y chwaraewr offeryn gorau. Mae hanner cant o aelodau yn y band ar hyn o bryd. Band Ieuenctid Cwmtawe yw'r band swyddogol sy'n chwarae cyn gemau'r Gweilch yn Stadiwm Liberty ac maent yn codi'r hwyl ac yn boblogaidd iawn gan y cefnogwyr yno.

Mae'r band yn ystod y deng mlynedd diwethaf wedi mynd o nerth i nerth ac o ganlyniad bu'n rhaid sefydlu 'band ymarfer' i fwydo'r band mawr. Dechreuodd y band ymarfer tua pedair blynedd yn 么l o dan arweiniad Wayne ac mae tua deugain o blant o 9 i 13 oed yn cyfarfod ac yn ymarfer yn rheolaidd. Mae aelodau'r band yma yn cael eu paratoi ar gyfer ymuno 芒'r prif fand maes o law.

Y llynedd bu'r band yma yn cystadlu yn rownd derfynol Bandiau Pres Prydain Fawr ym Manceinion. Cafodd y band y pedwerydd safle (allan o ddeg band a oedd yn cystadlu) yn y gystadleuaeth o dan 16 oed. Bu'r band hwn yn llwyddiannus ac ennill y wobr gyntaf yn Nglyn Ebwy llynedd ac hefyd yng nghystadleuaeth Bandiau Pres Gwent ym mis Ionawr eleni. Yn ddiweddar enillodd y band y wobr aur yn y gystadleuaeth i fandiau iau yn Nhredegar. Da iawn yn wir!

Cannoedd

Fel rhan o'r dathliadau penblwydd mae'r band iau wedi ymweld ag Ynys Manaw. Bu'r band yno am bump diwrnod ac uchafbwynt y daith oedd perfformio mewn cyngerdd gyda Band Trefol Douglas. Cynhaliwyd cyngerdd ym Mhontardawe nos Sadwrn, Ebrill 26 a chymerwyd rhan gan dros 100 o bobi ifanc lleol.

Mae'r band yn wir wedi dod 芒 mwynhad i gannoedd o blant ac oedolion dros y blynyddoedd. O dan arweiniad medrus a gofalus Wayne Pedrick mae s诺n unigryw y band pres yn dal i atseinio yn yr ardal. Diolch yn fawr iddo am ei ymroddiad a gobeithio daw yr un llwyddiant dros y deng mlynedd nesa! Pen-blwydd hapus iawn a llongyfarchiadau!