Do, bum ynddynt i gyd a gweld y cewri'n chware o'r 1930au ymlaen, ond yn y diwedd yr anwylaf oll i mi yw Cae Ras Wrecsam. Y gemau p锚l-droed cyntaf a welais oedd ar Sg么r Ffynnon Cwrw a'r cae hwnnw ar Ffordd Gefn, Bwlchgwyn. Rhedai'r cae o un g么l i'r llall at hyd cefnau o gae gyda'r canlyniad nad oedd chwaraewyr yr asgell dde byth yn gweld chwaraewyr yr asgell chwith!
Er ei fod yn flaenor digon parchus 'roedd fy nhad i'n gefnogwr brwd p锚l-droed a gallai yntau ymffrostio iddo weld rhai o gewri'r g锚m gan gynnwys yn arbennig Billy Meredith, Elisha Scott, Horace Blue a Fred Keenor ymysg eraill.
Hyfrydwch arbennig i mi felly oedd mynd efo fo ar brynhawn Sadwrn i weld Wrecsam yn chware ar y Cae Ras ac yn y cyfnod hwnnw y cefais y fraint o weld llawer o enwogion a hefyd hogiau ifanc a ddaeth yn enwog yn ddiweddar.
Yma y gwelais enwogion rhyngwladol gan fod cymaint o gemau (ar un cyfnod mwy nag unrhyw gae p锚l-droed drwy'r wlad) yn cael eu chware yma - cyn bod Stadiwm y Mileniwm! Nid oes ofod i'w henwi i gyd ond dyma un neu ddau:
Peter Doherty (y mewnwr chwith gorau am wn i) yn chwarae i Iwerddon, Ben Williams (Everton ) yn torri'r goes yn erbyn yr Iwerddon, John Charles yn cael ei gam-dr卯n yn erbyn Awstria, Tommy Griffiths, boi lleol cyn mynd ymlaen i leoedd uwch, Ehud Rogers o'r Waen a aeth fel Arfon Griffiths yn ddiweddarach i'r Arsenal, Tommy Bamford, Alf Jones bach oedd yn gawr o gefnwr, T.G. Jones yn chwarae ei g锚m gyntaf i ail d卯m Wrecsam cyn symud yn ddiweddarach i Everton. Cefais y pleser flynyddoedd wedyn o gyfarfod TG Jones yn Mhwllheli a John Charles ym Mangor.
Gwelais yno'r gemau mawr efo West Ham (Trevor Brooking), Manchester United yn eu hanterth cyn trychineb Munich, a'r diwrnod bythgofiadwy hwnnw pan drechodd Wrecsam gewri'r Arsenal. Erys g么l Mickey Thomas yn y cof am byth.
Ond nid p锚l-droed yn unig a welais yma.
Am gyfnod yn y tridegau arferid cynnal gornestau ymaflyd codwm, ac enwau rhamantus fel Anaconda (cawr fel y sarff honno) Madrelli the Greek, Black Eagle a'r butraf o'r cwbl, Jack Pye.
Ymosododd Jack Pye ar Black Eagle o'r tu 么l iddo gan wthio dau fys i fyny'i drwyn a'i lusgo gerfydd ei drwyn ar draws y ring.
Fe'i diarddelwyd, er siom fawr i'r ymwelwyr, o'r herwydd.
'Roedd rhyw gyfaredd ar y Cae Ras, un ai yn y dorf, yn y Stand, neu'r diwrnod arbennig hwnnw pan gefais wahoddiad i eistedd mewn s锚t flaen yn y "Turf' - dyna oedd moethusrwydd!
Dymuniadau gorau iddynt yn y dyfodol.
"Mae hi'n racs yma'n Wrecsam" meddai Dic Jones rywdro, ond ddim eto!
听
