Un o'r chwedlau mwyaf cyfarwydd yw honno am eglwys Wrecsam, prif dre'r ardal. Yn 么l yr hanes ceisiwyd codi'r eglwys ar le o'r enw Bryn-y-Ffynnon, ond roedd beth bynnag oedd yn cael ei adeiladu yn ystod y dydd yn cael ei dynnu i lawr yn ystod y nos ac nid oedd y gwaith yn mynd yn ei flaen o gwbl. Clywed llais lledrithiol
Trefnwyd bod dynion yn mynd yno gyda'r nos i wylio'r lle a gweld beth oedd yn digwydd. Ni welwyd dim ond roedd llais lledrithiol i'w glywed yn dweud 'Bryn y grog! Bryn y grog!'
Aeth y dynion at berchennog y tir hwnnw a gofyn iddo ei ryddhau er mwyn adeiladu eglwys arno. Cafodd ddarn o dir arall yn lle'r tir hwnnw ac adeiladwyd eglwys ar Fryn-y-grog - lle mae eglwys Wrecsam yn sefyll heddiw.
Adeilad diddorol arall yng nghanol y dref yw'r Wynnstay Arms. Rhai blynyddoedd yn 么l penderfynwyd ailadeiladu'r lle. Cadwyd wal flaen yr adeilad fel yr oedd ond cafodd popeth arall ei dynnu i lawr a'i ailadeiladu.
Yn ystod y cyfnod hwn gwelodd nifer o'r gweithwyr ysbryd hen 诺r yn symud drwy'r adeilad. Ar adegau byddai'n aros a gwylio'r dynion wrth eu gwaith.
Ceisiodd mwy nag un gynnal sgwrs ag ef ond bob tro y byddai rhywun yn ei gyfarch byddai'n diflannu. Roedd y gweithwyr yn credu mai ysbryd rhywun a fu'n byw neu'n gweithio yn yr adeilad flynyddoedd yn 么l ydoedd.
Mae rhai yn credu bod mwy o ysbrydion yn nhref Wrecsam nac yn unrhyw dref arall o'r un maint yng Nghymru ac mae ganddyn nhw lawer o straeon difyr i brofi'r pwynt.
Pethau rhyfedd yn digwydd
Yn 1986, er enghraifft, cymrodd cwmni yswiriant Barry Williams Associates feddiant o adeilad yn y stryd fawr ond yn fuan wedi iddyn nhw ddechrau gwneud newidiadau i'r lle dechreuodd pethau rhyfedd ddigwydd.
Roedd nifer o ddisgiau cyfrifiaduron yn cael eu cloi mewn stafell ar y llawr gwaelod dros nos ond erbyn bore trannoeth roedden nhw wedi eu gwasgaru ar draws y 'stafell ar lawr ucha'r adeilad - a hynny heb i'r un enaid byw fod ar eu cyfyl.
Am gyfnod bu'r tymheredd yn yr adeilad yn amrywio o fod yn oer iawn i fod yn annioddefol o boeth tra'r oedd y thermomedr yno yn aros yr un fath. Yna dechreuodd d诺r ollwng o gyfrifiadur a llungop茂wr, a hynny gefn dydd golau tra'r oedd pawb yn y swyddfa yn gallu eu gweld. Ni chafwyd unrhyw esboniad ar y peth.
Yn y 1920au roedd ysbryd yn aflonyddu ar deulu oedd yn byw mewn t欧 tri llawr yn Stryd Efrog. Ysbryd dyn a fu'n byw yn y t欧 flynyddoedd lawer ynghynt ydoedd.
Bu farw yn y t欧 ar 么l syrthio i lawr y grisiau tra'n cario lamp olew a llosgodd i farwolaeth. Yn aml byddai'r teulu yn clywed s诺n fel rhywun yn syrthio i lawr y grisiau a swn gwydr yn malu a hyn yng nghanol nos.
Dyn yn cerdded trwy furiau
Unwaith gwelodd dau fachgen oedd yn byw yn y t欧 gannwyll yn llosgi yn symud ar draws y cyntedd heb neb ar ei chyfyl. Gadawodd y teulu'r t欧 a mynd i fyw i rywle arall ar 么l i ewythr y bechgyn weld dyn yn cerdded allan o un o'r muriau, ar draws y 'stafell a thrwy fur arall.
Yn Stryd Siarl mae siop a fu unwaith yn rhan o hen dafarn yn dyddio o 1627. Ar ddechrau'r ganrif hon cynheuodd t芒n yn y dafarn a chredir mai ysbryd un a fu farw yn y t芒n hwnnw sy'n crwydro'r adeilad.
Mae teulu'n byw mewn fflat uwchben y siop ac mae mwy nag un ohonyn nhw wedi ei weld gyda chwmwl o f诺g o'i gwmpas. Weithiau bydd s诺n yn dod o'r 'stafelloedd gwag, drysau'n cloi ar eu pennau eu hunain a'r tymheredd yn gostwng mewn rhannau o'r adeilad.
Ychydig filltiroedd o Wrecsam mae pentref Brymbo, lle a fu'n enwog unwaith am ei waith dur. Diflannodd hwnnw fel y diflannodd Plas Brymbo, adeilad cyfagos a godwyd tua 1624.
'Stafell yr ysbryd'
Am flynyddoedd bu pobol yr ardal yn s么n am y digwyddiadau hynod oedd yn digwydd yn y plas: drysau a ffenestri yn agor a chau a gwynt oer yn chwythu drwy'r lle. Roedd yno un 'stafell a gafodd ei henwi yn 'stafell yr ysbryd ac roedd c诺n yn ofni mynd iddi.
Yn 么l yr hanes roedd gwledd fawr wedi ei pharatoi yn y plas un noson gan fod merch y t欧 yn dathlu ei phen-blwydd yn un ar hugain oed. Roedd ei rhieni hefyd yn dathlu eu dywedd茂ad ond nid oedd y ferch yn hapus am nad oedd eisiau priodi ei darpar 诺r.
Heb i neb sylwi gadawodd y wledd a chrogi i hun yn 'stafell un o'r morynion. Roedd pobol yr ardal yn credu mai ei hysbryd anniddig hi oedd yn crwydro'r plas.
Flynyddoedd lawer yn 么l roedd gl枚wr o ardal Rhiwabon yn cerdded adref heibio'r eglwys yn hwyr un noson pan welodd angladd yn dod tuag ato. Gallai adnabod nifer o'r bobol oedd yn dilyn yr arch ac roedd yn eu clywed canu. Synnodd wrth weld yr angladd yn mynd heibio'r eglwys ac at d欧 cyfagos.
Un prynhawn, ychydig ddyddiau wedyn, gwelwyd gorymdaith angladdol yn y pentref. Sylwodd y gl枚wr fod yr un pobol yn union yn dilyn yr arch ag a welodd gynt a'r un emyn yn cael ei chanu. Aeth y dyrfa heibio'r eglwys i d欧 cyfagos lle rhoddwyd y corff i orffwys dros nos yn barod at y claddu drannoeth.
Roedd y dyn ifanc a fu farw wedi bod yn gweithio yn Lloegr ac wedi cael dod adref i orffwys ar ei hen aelwyd am y tro olaf. Roedd y gl枚wr wedi gweld y toili ychydig ddyddiau cyn y digwyddiad ei hun.
Gwraig 芒 gorchudd dros ei phen
Hanes diddorol arall yw'r stori o ardal Cefn-Mawr. Flynyddoedd lawer yn 么l roedd gl枚wr ar ei ffordd i'w waith un bore pan welodd wraig yn cerdded tuag ato a gorchudd dros ei phen.
Pan aeth y wraig at y bont dringodd ar ben y wal fel pe bai am neidio. Aeth y gl枚wr ati a'i rhwystro rhag gwneud y fath beth ond diflannodd y wraig.
Roedd y gl枚wr wedi dychryn yn ofnadwy a phenderfynodd fynd adref yn hytrach na mynd ymlaen i'r pwll. Awr yn ddiweddarach clywodd sain corn y gwaith yn cyhoeddi fod damwain wedi digwydd. Roedd tri o'i gydweithwyr wedi eu lladd.
Mae ysbryd merch fach mewn dillad o gyfnod Fictoria i'w gweld yn crwydro fflatiau newydd a gafodd eu codi yn gymharol ddiweddar ym mhentref Rhosymedre.
Chwilio am ei hen gartref
Mae'n debyg bod clamp o d欧 mawr yn sefyll ar y safle unwaith a theulu pedair o ferched yn byw ynddo. Llosgwyd y t欧 i'r llawr rhywdro yn ystod y 19eg ganrif ac mae'n amlwg bod un o'r merched yn dal i chwilio am ei hen gartref o hyd.
Yn y gorffennol roedd pentref Acrefair yn ganolfan i'r diwydiant priddfeini ac roedd nifer o ffwrnesi yn yr ardal. Roedd y bobol wedi hen arfer gweld trempyn yn crwydro o gwmpas yn cardota a roedd pawb yn gwybod ei fod yn cysgu wrth ymyl y ffwrneisi yn y gaeaf am fod digon o wres i'w gael yno.
Un noson eithriadol o oer aeth y trempyn i gysgu tu mewn i ffwrnais oedd yn llawn briciau heb eu crasu. Drannoeth, yn gynnar yn y bore, daeth dau weithiwr at y ffwrnais a chlywed gwaedd ofnadwy, gwaedd dyn wrth iddo losgi i farwolaeth.
Un o gampweithiau pensaern茂ol yr ardal yw pont Froncysyllte. Mae'n debyg bod nifer o weithwyr wedi eu lladd wrth godi'r bont a does rhyfedd felly fod ambell i ffurf ledrithiol i'w weld yn croesi'r bont am hanner nos ar ambell noson dawel yn dystiolaeth o'r bywydau a aberthwyd i wireddu breuddwyd Thomas Telford.
Gweld byddin ledrithiol
Gwelwyd miloedd o ysbrydion yn Nant-y-Ffrith ger Bwlchgwyn ym 1602. Dyffryn dwfn, coediog yw Nant-y-Ffrith ac ni chafwyd esboniad eto pam y gwelwyd byddin ledrithiol yno gan wyth neu naw o dystion.
Cofnodwyd y digwyddiad gan hanesydd lleol, Robert Parry. Dywedodd fod dwy neu dair mil o ddynion arfog yn marchogaeth drwy'r dyffryn gan gario baneri a'i bod yn amlwg mai byddin oedd yma ar ei ffordd i faes y gad.
Gerllaw Wrecsam i gyfeiriad Swydd Gaer mae pentrefi Yr Orsedd a Marffordd. Ynddyn nhw mae nifer o adeiladau diddorol a hynafol ac wrth gwrs mae ganddyn nhw eu hysbrydion.
Pan fydd plant Yr Orsedd yn hwyr yn dod i'r t欧 gyda'r nos bydd y mamau'n gweiddi: "Bydd yr hen Jeffrey'n siwr o dy ddal di!' Drwgweithredwr o'r 17eg ganrif oedd Jeffrey. Ymosododd ar weithiwr cyffredin o ardal Rhuthun ger Gresffordd a'i adael bron 芒 marw cyn rhedeg i ffwrdd.
Crogi dihiryn
Ond ni fu'r dyn druan farw a gwellodd yn ddigon da i roi tystiolaeth yn erbyn Jeffrey. Daliwyd y dihiryn a'i grogi yng ngharchar Rhuthun. Cafodd ei gorff ei gludo yn 么l i'r Orsedd a'i osod ar grocbren yng nghanol y pentref a'i adael i bydru yno.
Aeth rhai blynyddoedd heibio a'r sgerbwd hyll yn poeni'r trigolion. Tynnwyd y corff i lawr a'i gladdu yng nghanol y pentref. Malwyd y grocbren yn ddarnau ond cafodd peth o'r pren ei ddefnyddio i atgyfnerthu rhan o dafarn y Llew Aur, lle gellir ei weld hyd heddiw.
Dros y blynyddoedd bu nifer o ddigwyddiadau rhyfedd iawn yn y dafarn, gwydrau yn tincian y tu 么l i'r bar yn gynnar yn y bore bach pan nad oedd neb o gwmpas, ac ambell wydr yn syrthio a malu'n deilchion.
Ar adegau eraill mae nifer o bobol wedi bod yn ymwybodol o bresenoldeb dyn mewn dillad gwladaidd hen-ffasiwn yn sefyll yn un o'r llofftydd neu ar y landin. Tybed ai Jeffrey ydi o?
Methu cael heddwch
Ysbryd na fedrodd gael heddwch yn ystod ei dydd, nac wedi hynny chwaith, sy'n poeni pobol Marffordd. Ym 1713 llofruddiwyd Margaret Blackbourne, gwraig fonheddig oedd yn byw yn Neuadd-y-rofft, gan ei g诺r, George. Ef oedd stiward ardal Marffordd a Hosley. Roedd yn ddyn anfoesol a bu'n anffyddlon i'w wraig droeon.
Nid oedd Margaret yn gallu dioddef mwy a gofynnodd iddo gyfaddef ei fod yn cael perthynas gyda gwraig arall. Aeth yn ffrae rhyngddyn nhw ac aeth pethau o ddrwg i waeth. Taflodd George hi i lawr y grisiau yn ei gynddaredd meddw a bu Margaret farw yn y fan a'r lle.
Cynhaliwyd cwest i'w marwolaeth ond gan mai perthynas i George Blackbourne oedd y crwner rhoddwyd dedfryd o farwolaeth drwy ddamwain. Chwe mis yn ddiweddarach priododd George ferch ifanc o'r ardal ac aeth y ddau i fyw i Neuadd-y-rofft.
Crwydro drwy bentref Marffordd
Ond byr fu eu hapusrwydd. Yn fuan wedi'r briodas gwelwyd Margaret yn crwydro drwy bentref Marffordd. Roedd yn curo ar ffenestri'r tai ac yn edrych drwyddyn nhw wrth fynd ar ei thaith i gyfeiriad ei hen gartref. Roedd y pentrefwyr wedi dychryn yn ofnadwy.
Unwaith y cyrhaeddai Neuadd-y-rofft byddai'n crwydro drwy'r 'stafelloedd gan ochneidio nes dod at 'stafell wely ei g诺r a'i wraig newydd.
Byddai'n sefyll y tu allan i ddrws y 'stafell honno drwy'r nos. Amharodd ei chrwydro ar heddwch George a'i wraig a symudodd y ddau i Neuadd Trefalun yn Yr Orsedd. Ond doedden nhw ddim yn gallu dianc rhag Margaret oherwydd dilynodd hwy i'r fan honno a gwneud eu bywyd yn ddiflas.
O'r diwedd aeth archddiacon at fedd Margaret a pherfformio seremoni i dawelu'r ysbryd. Yn y cyfamser aeth pobol Marffordd ati i'w hamddiffyn eu hunain drwy greu ffenestri bach ar si芒p croesau a llygaid ar furiau eu tai gan obeithio y bydden nhw'n cael llonydd gan yr ysbryd. Mae'n rhaid ei bod bellach yn gorffwys mewn hedd gan nad oes neb wedi ei gweld ers amser.
Profiad dirdynnol
Daeth profiad dirdynnol i ran dyn o Gresffordd rhywdro yn ystod y 19eg ganrif. Roedd William Davies, adeiladwr o Marffordd, a'i gyfaill John Williams o Gresffordd yn cerdded i gyfeiriad Acton Leiaf pan welodd y ddau wraig mewn gwyn yn cerdded tuag atynt.
Wrth iddi ddod yn nes sylweddolodd John Williams mai ei wraig ydoedd a bod golwg wyllt ar ei hwyneb gwelw. Cerddodd heibio heb gymryd unrhyw sylw ohonyn nhw, roedd fel pe na bai hi wedi eu gweld nhw o gwbwl.
Aeth ei gwr adref i Gresffordd gan ofni bod rhywbeth ofnadwy wedi digwydd a phan gyrhaeddodd y ty gwelodd bod ei wraig wedi crogi ei hun.
Gobeithio y bydd yr holl ymwelwyr fydd yn heidio i'r fro eleni yn cael tipyn o bleser wrth gerdded ffyrdd Bro Maelor, a gobeithio na welant ormod o'r ysbrydion sy'n crwydro'r ardal ddiddorol hon!
Mae Y Clawdd yn ddiolchgar i awdur yr hanes yma - Eirlys Gruffudd - am ei chaniat芒d i gyhoeddi'r manylion. Ymddangosodd yn y cylchgrawn Llafar Gwlad a gyhoeddwyd gan Wasg Carreg Gwalch Llanrwst ym 1991 o dan y testun Ysbrydion Clwyd hefyd gan Eirlys Gruffudd.
听
