Lleolir Swydfa'r Fenter yn Nhy AVOW, Cymdeithas Mudiadau Gwirfoddol Wrecsam, a chafodd y Swyddog Datblygu gyfle yn ystod mis Chwefror i gyflwyno cyfres o sesiynau ar Ymwybyddiaeth Iaith i'r staff yno, gydag un arbennig i wirfoddolwyr o sawl mudiad ar Ddydd Gwyl Ddewi. Y gobaith yw y gellir adeiladu ar y sylfaen hon ar gyfer y dyfodol. Bu sawl un o Wrecsam yn Eisteddfod y Dysgwyr, a drefnwyd gan Fenter Iaith Sir y Fflint, yn yr Wyddgrug ar 6 Chwefror, a bu llwyddiant hefyd, gydag Alison White, un o ddysgwyr dosbarth Ned Harris, yn cipio'r wobr gyntaf am Ddyddiadur Gwyliau. Rhaid i ni fod 芒 chynrychiolaeth gryfach eto'r flwyddyn nesaf!
Ymwelodd yr Athro Colin Baker, Prifysgol Bangor, sy'n arbenigwr byd eang ar ddwyieithrwydd, 芒 Wrecsam ganol Chwefror i gynnal seminar ar fagu plant yn ddwyieithog, dan nawdd TWF.
Dwyieithrwydd yn gyffredin
Un ystadegyn diddorol iawn a ddaeth i'r amlwg oedd fod 65% o boblogaeth y byd yn ddwyieithog, neu'n medru mwy na dwy iaith. Roedd hi hefyd yn galonogol i glywed mor iach yw sefyllfa Gymraeg yng nghyd-destun cyflwr ieithoedd lleiafrifol drwy'r byd - ond yn sicr nid oes lle ychwaith i laesu dwylo yn ein gwaith drosti.
Cynhaliwyd y Clwb Gwyliau eto yn Ysgol Plas Coch yn ystod yr hanner tymor, gyda disgo cyn hynny yn Ysgol Bodhyfryd, a gododd ymron i 拢200 ar gyfer y Clwb. Derbyniodd y Clwb hefyd grant o 拢500 gan Gronfa Cymorth Cyngor Wrecsam, a 拢2730 gan Arian i Bawb Cymru - a bydd angen pob dimau i osod y Clwb ar sylfaeni sicr pan fydd yn gorfod gweithredu'n annibynnol ar y Fenter Iaith o'r haf nesaf ymlaen.
Noson Gemau
Cafodd y Clwb archwiliad llawn gan Arolygi Safonau Gofal Cymru yn ystod yr hanner tymor, ac rydym yn disgwyl yr adroddiad (ffafriol, gobeithio!) o hwnnw yn ystod y dyddiau nesaf.
Aeth y Nosweithiau 3C yn eu blaenau, gyda Noson G锚mau dan arweiniad Cadeirydd y Fenter, Trefor Jones-Morris, fis Chwefror, a noson Gawl a Ch芒n, gyda Richard Jones, Prifathro Ysgol Hooson, yn cyfeilio.
Ni fydd adloniant yng nghyfarfod Ebrill 9fed, gan mai Dydd Gwener y Groglith fydd hi, ond gwahoddir dysgwyr a siaradwyr rhugl i gwrdd am sgwrs gyda'r nos yn y Belmont. Ar Fai 14eg, Beirdd yn y Bar fydd hi, gyda Geraint Lovgreen a'i gyfeilion. Bydd tocynnau ar gael o'r Pasg ymlaen o Swyddfa'r Fenter.
Bu gan y Fenter arddangosfa yn Tesco ar 19 Chwefror, a chewch ein gweld eto yn Sainsbury's ar 7 Mai o ddeg tan chwech.
Sesiynau Siarad
Yn dilyn sawl cais gan ddysgwyr, mae'r Fenter wedi cychwyn Sesiynau Siarad yn Eglwys Efengylaidd Parc Borras, Ffordd Jeffreys (y drws nesaf i'r Cunliffe Arms), Wrecsam, 10.30 - 12.30 pob trydydd bore Sadwrn yn y mis - felly bydd y nesaf ar 17 Ebrill. Croeso i bob dysgwr i ymarfer a siaradwyr rhugl i helpu!
Bu'r Fenter yn rhoi hwb i ddathliadau Gwyl Ddewi Tafarn y Nag's Head, gyda balaws a gyflenwyd gan Fwrdd yr Iaith, a chafodd y Swyddog Datblygu'r cyfle i ddweud ei ddweud ar MFM y bore hwnnw.
Roedd hynny, wrth gwrs, yn gyhoeddusrwydd i'r Fenter, ond mae angen mwy, ac mae angen mwy o weithgarwch codi arian ym y flwyddyn ariannol newydd, felly os medrwch gynorthwyo gyda un neu'r ddau faes yna, cysylltwch 芒 ni ar 01978 363791.
听
