Mae'n enillydd Cwpan Cymru ym Mhencampwriaeth y Pum Gwlad, wedi ennill 34 cap dros ei wlad, ac wedi bod yn aelod allweddol o dîm Scarlets Llanelli yng nghwpan Heineken dros y tymhorau diweddar, a hyn oll ar ben ei waith dyddiol ar y fferm yng Nghilrhue! Wrth i'r tymor rygbi ddod iw derfyn, a chyfle am saib (os un byr!) ar y gorwel, roedd John yn falch o gael sgwrs â ni yn Clebran, ac wrth ei fodd yn ennill teitl arall Clebranwr y mis!Wrth i fi sgwrsio gyda John, mae'r haul yn ceisio ei orau i ymladd y cymylau a'r tywydd gwell yn golygu ei bod hin amser troi'r da mas ar Cilrhue. Ar yr un pryd, mae'r atgof poenus o Biarritz yn maeddu Scarlets Llanelli yng Nghwpan Heineken yn dal ar feddwl John, a'r siom yn dal yn amlwg.
"'Roedd hi"n siom fawr i ni golli achos ron ni wedi bod yn chwarae mor dda" meddai John. -"'Ond roedd hi'n fwy o siom achos ein bod ni ddim wedi perfformio i fod yn onest. Ar y noson, Biarritz oedd y tîm gorau, a gwnaethon ni ddim troi lan yn yr hanner cyntaf "
Fe ddechreuodd diddordeb John mewn rygbi tra yn Ysgol y Preseli. Daeth ei ddawn i'r amlwg wrth iddo gael ei ddewis i dîm yr ysgol, ac yna i dîm y Sir, ac fe ddechreuodd chwarae gyda thîm ieuenctid Crymych yn fuan iawn wedyn. Tra yno, denodd sylw dewiswyr dîm ieuenctid Cymru au hyfforddwr, Ron Waldron a oedd yn hyfforddi tîm Castell Nedd ar y pryd.
Derbyniodd John wahoddiad i ymarfer gyda'r clwb a chyn hir, roedd wedi arwyddo i dîm crysau duon Cymru ac yn cymryd ei le yn un o dîmau cryfa'r cyfnod. Pan gafodd John ei gyfle yn nhîm cyntaf Castell Nedd ar ddechrau'r 90au, bois ardal y Preseli oedd ar ei bwys yn y rheng flaen Brian Williams a Kevin Phillips. "'Do"n i ddim yn eu nabod nhw ar y dechrau" esbonia John, "ond fe wnaethon nhw fy helpu i setlo mewn a rhoi cyngor i fi. R"odd hi"n neis bod y tri ohonom nin siarad Cymraeg hefyd, ac fe gawson ni lot o sbort yn y car ar y ffordd lan ir gemau!
Oherwydd perfformiadau cyson John, buan y daeth yr alwad i chwarae i'r tîm Cenedlaethol, ac mae John yn ei chael hi'n anodd i ddisgrifio'r profiad hwnnw."'Maen deimlad arbennig, yn anodd rhoi geiriau iddo, meddai, maen fraint ac yn deimlad grêt o wybod bod pawb y tu ôl i ti.
Yn 1994, profodd lwyddiant rhyngwladol gyda Chymru wrth fod yn rhan o'r tîm a gododd gwpan Pencampwriaeth y Pum Gwlad. "Bythgofiadwy!" meddai John am hynny, "roedd hin garfan o chwaraewyr gonest ac er i ni gael siom o golli yn erbyn Lloegr, ron ni wedi curor Alban ar Iwerddon sy' ddim yn rhwydd iawn, a churor Ffrancod am y tro cyntaf ers 18 mlynedd. "
Er nad yw John wedi cael ei ddewis i chwarae i Gymru ers rhai blynyddoedd bellach, fe wnaeth ei berfformiadau graenus a chyson dros y tymor hwn olygu bod rhai all o benaethiaid y gêm yn galw am ei bresenoldeb yn y tîm cenedlaethol eto. "Roedd en beth neis i glywed," meddai John, "dwi wedi bod yn perfformion gyson i Llanelli y tymor ma ar tymor diwethaf, ac yn meddwl falle mod in haeddu cael lle yn y garfan nawr."
Wyddoch chi i John chwarae i glwb rygbi Richmond, ar ochr arall Clawdd Offa am rai blynyddoedd hefyd? "'Daeth y cyfle yn 1996, heb feddwl llawer amdano i fod onest," meddai John. "Ron in teimlo falle taw hwn byddair cyfle ola i fi, a gan nad oedd pethen edrych yn dda o ran chwarae i Gymru, fe wnes i benderfynu mynd amdani!
Golygai hyn newidiadau mawr iw fywyd - gadael cartref yn y Preselau a symud i fyw yn Llundain, ond doedd dim llawer o amser i bendroni dros y peth. "Digwyddodd popeth mewn rhyw 6 wythnos!" meddai. "Ron in gwerthu'r da godro ar y dydd Gwener ac yn symud i Lundain ar y dydd Sul!"
Fe wnaeth fwynhau'r profiad yn Richmond yn fawr, yn enwedig gan fod nifer o Gymry eraill wedi arwyddo i'r clwb tua'r un pryd. Ond roedd yn fwy na hapus i ddychwelyd i Gymru pan roedd y Scarlets yn edrych am brop pen tynn hefyd.
Wedi bod yn chwarae ar y lefel uchaf ers dros ddeng mlynedd bellach, beth yw gobeithion John ar gyfer y dyfodol? "'Dwi wedi cael cynnig cytundeb dwy flynedd dar Scarlets," meddai, "a dwin canolbwyntio ar chwarae i Lanelli ar hyn o bryd. Ond mae hyfforddi yn rhywbeth dwin mwynhau gwneud hefyd. Dwi wedi bod yn helpu tîm Crymych eleni ac wedi mwynhaun fawr.
Gyda gyrfa lwyddiannus y tu ôl iddo, a sawl tymor, gobeithiol, arall o'i flaen, mae un peth bach nad yw John wedi cyflawni ar y cae rygbi eto. Ennill Cwpan Heineken, meddai. "Dynar ucheigais, a dyna pam ryn nin gweithio mor galed i wella'n hunain, er mwyn bod mewn sefyllfa i'w ennill!"
Dymunwn yn dda iddo ar gyfer y dyfodol, a gobeithio y daw'r freuddwyd yn wir!
Aled Vaughan, Prosiect Papurau Bro
Ìý
