´óÏó´«Ã½

Ar y pryd roedd angen i Gareth godi dros £3,000 iddo gael ei dderbyn gan yr elusen Changing Worlds.

Felly yr Affrig ac nid y brifysgol oedd yn hudo. Mae Gareth yn aros ar lan Llyn Nakuru sy'n rhan o Barc Cenedlaethol Cenia, ond nid ar saffari y mae Gareth ond yn gwarchod a dysgu mewn cartref i blant amddifad.

Yn y cartref mae tri chant o blant rhwng tair a deunaw oed.

Ar yr ail o Chwefror rhoddodd ei wers Saesneg gyntaf i chwe deg o blant.

Diolch bod Gareth wedi mynd a llawer o offer ac adnoddau a brynwyd gyda'r arian noddedig gydag ef.

Bydd Gareth yno am chwe mis, a gan nad yw'n derbyn cyflog mae'n hunan-gynhaliol tra'n gwneud ei orau i rai llai ffodus nag ef. Felly, mae'r apêl yn dal yn agored.

Braf oedd gwe/d y gymdeithas o'n cwmpas yn rhoi mor hael tuag at yr ape/.

Do, fe godwyd y swm oedd ei angen, a dymuna'r teulu ddiolch i bawb a weithiodd ac a gyfrannodd tuag at roi cymorth i blant Nakuru.

Fe hoffai Gareth diolch yn arbennig i'r hogia', Osian, Amos, Ifan a Sam am gerdded gyda ef yn ddirwgnach ar y daith noddedig i ben yr Wyddfa, ac i Anti Dot a Gwerfyl Owen am gasglu arian.

Hefyd, pawb a ddaeth i'r Barbeciw yn y glaw. Diolch i Linda ac Arwel, Helen a Dylan, Rita a Peter, Glenys Rowlands (Nain) ac Angela Jones am drefnu.

Diolch yn arbennig i Martin Ryder am ddisgo ac ocsiwn arbennig o hwyliog. Diolch i Sara (chwaer), Rachael a Holly, a chronfa disgyblion Ysgol Dyffryn Ogwen am wneud a gwerthu cacennau.

Ar ôl y Nadolig cafwyd noson arbennig iawn gan Hogia'r Bone yn y Clwb Criced. Diolch i Twm, Phill a Waiter am drefnu noson fythgofiadwy a diolch i Antony Roberts a Barry Davies am ganu a chwarae'r gitâr mor grefftus.

Hoffai Gareth ddiolch i'r holl noddwyr, tai-tafarnau Pen-y-Brenin a'r Victoria, a phawb sydd wedi cyfrannu neu helpu mewn unrhyw ffordd.

Diolch o galon i chi i gyd.