大象传媒

Er mwyn lleddfu'r cyflwr hwn trodd David yn gyntaf at alcohol ond gan nad oedd hwn wedi lliniarur boen, penderfynodd geisio heroin. Tra bod cyflenwad parod ohono ar gael, daeth yn gaeth i'r cyffur mewn byr o dro.

Yn dilyn cyfnod anodd iawn iddo ef a'i deulu, gyda'r mab yn dwyn oddi ar y teulu, cytunodd David i gofrestru ar gyfer rhaglen ddadwenwyno - detox'- yn Ysbyty'r Eglwys Newydd. Yn anffodus, roedd rhestr aros o rhwng tair wythnos a thri mis. .

Yn ystod y cyfnod aros roedd awydd David am gyffuriau'n cynyddu a dyna pryd y penderfynodd ei dad Keith, oherwydd cyflwr trychinebus ei fab, brynu cyffuriau iddo.

Does dim rhaid wrth radd mewn Cymdeithaseg i weld fod angen rhwystro'r cyflenwad cyffuriau rhag cyrraedd yr ardal, ac yr un mor bwysig efallai, i ddarparu rhaglenni datwenwyno digonol ar gyfer y sawl sy'n gaeth i gyffuriau.

Dylem felly groesawu ddatganiad David Blunkett, yr Ysgrifennydd Cartref ei fod yn bwriadu rhoi hanner miliwn o bunnau i Heddluoedd De Cymru a Dyfed Powys er mwyn helpu cylludo Operasiwn Tarian sef ymgyrch yr Heddluoedd yn erbyn y delwyr cyffuriau.

Hefyd dylem gefnogi galwad Geraint Davies, Aelod y Cynuuliad dros ardal y Rhondda, am ragor o fuddsoddi ar gyfer cefnogaeth a thriniaeth i'r rhai sy'n gaeth i gyffuriau. Os na wneir hyn fe all y canlyniadau fod yn ddifrifol iawn i'n cymdeithas.

Ydych chi'n cytuno/anghytuno 芒'r sylwadau uchod? Beth yw hanes yr ardaloedd tebyg yn y Rhondda Fawr? Mynegwch eich barn!! .