|
Dewch i sioe flynyddol newydd Sir Gâr i gwrdd â hen gyfeillion a mwynhau diwrnod allan yng nghwmni pethau gorau cefn gwlad gorllewin Cymru. Cynhelir sioe gyntaf Sioe Sir Car ar ddydd Sadwrn, 21 Mehefin 2008 ar Faes y Sioe, Nantyci, Caerfyrddin.
Bydd y sioe newydd hon yn cynnwys nifer o ddosbarthiadau ar gyfer amrywiaeth o anifeiliaid a fydd yn cystadlu am y prif wobrau - Gwartheg Llaeth a Bîff, Defaid, Ceffylau, Moch a Geifr Pygmy. Mae'r adran ddefaid yn cynnwys dosbarthiadau ar gyfer 16 gwahanol brîd!
Yn ogystal bydd yna amrywiaeth o adloniant ar faes y sioe i ddiddanu'r cyhoedd yn ystod y dydd gan gynnwys arddangosfa goginio gan Gareth Richards, sioe gŵn, Carlos y Clown, Seindorf Arian Crwbin, Carmarthen Twirlers, cystadleuaeth tynnu rhaff gan y Ffermwyr Ifanc, Pony Club Mounted Games a'r Adran Arddio.
Mae'r sioe yn cynnig llawer mwy na dim ond anifeiliaid gorau'r gorllewin. Bydd yna amrywiaeth o stondinau yn gwerthu gwahanol nwyddau gan gynnwys ceir, peiriannau, nwyddau ar gyfer yr ardd, gemwaith a chrefftau.
Darperir bws rhad ac am ddim rhwng y sioe a chanol tref Caerfyrddin. Felly cofiwch ddod yn llu i ymuno yn hwyl Sioe Sir Gâr ar ddydd Sadwrn 21 Mehefin 2008. Am fanylion pellach cysylltwch â Swyddfa'r Sioe: 01267 232141 neu'r wefan.
 |
Ìý
