大象传媒

Ar Orffennaf y 7fed yn y Kinmel Manor, Abergele, daeth trigain o gyn-ddisgyblion ynghyd i hel atgofion, sgwrsio am hynt a helynt pawb ac i graffu ar hen luniau o'r cyfnod. Braf oedd cael cwmni Mr Norman Williams, dirprwy brifathro cyntaf yr ysgol. Ac yntau yn ei nawdegau erbyn hyn, roedd mor sionc ag erioed, yn cofio enwau pawb ac yn adnabod llawer o'r disgyblion yn y lluniau.

Roedd hi'n bleser cael cwmni Mr Aled Jones a'i wraig, Gwawr, a hwythau'n cofio enwau yn rhyfeddol. Yn bresennol hefyd roedd Miss Mair Richards, cyn athrawes yn Ysgol Dewi Sant, Rhyl. Roedd hi wedi dysgu sawl un o'r cyn ddisgyblion cyn iddynt fynychu Ysgol Glan Clwyd! Roedd Cwmni Radio Greenfield yno o Gaerdydd ar ran y 大象传媒, yn holi ac yn recordio'r atgofion. Darlledwyd y rhaglen yn gynharach ym mis Tachwedd.

Yn anffodus nid oedd Mr Haydn Thomas, y prifathro cyntaf, yn gallu ymuno yn yr aduniad gan ei fod ar ei wyliau yn yr Eidal. Ac yntau'n byw yn y Feni, Mynwy, erbyn hyn, ysgrifennodd lythyr i gyfarch pawb gan ymddiheurio nad oedd yn gallu mynychu'r aduniad. "Onibai am y gwyliau mi fyddwn yno."

Yn ystod Eisteddfod Genedlaethol Abertawe, roedd dau gyn-ddisgybl, Hywel Jones a Robin Bateman, wedi trefnu i gyfarfod Mr Thomas ar gae'r eisteddfod. Treuliwyd dros awr yn ei gwmni a phan ddangoswyd lluniau'r aduniad iddo, roedd yn adnabod y mwyafrrif ac yn gallu dwyn i gof ambell i hanesyn diddorol am rai o'r unigolion!

Daeth y noson i ben ymhell wedi hanner nos ac wrth i bawb adael roedd yna deimlad o falchder mai nhw oedd "guinea pigs" ac arloeswyr addysg uwchradd Gymraeg drwy Gymru gyfan.